Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Subyektiv tomondan 
jinoyat 
to‘g‘ri qasd 
bilan sodir etiladi. Aybdor 
o‘z harakatlari ijtimoiy xavfliligini anglaydi va soliqlar yoxud boshqa 
to‘lovlarni ancha miqdorda to‘lamaslik oqibatini keltirib chiqarishni 
xohlaydi yoxud bunga ongli ravishda yo‘l qo‘yadi. Ijtimoiy xavfli 
oqibatlarning vujudga kelishi imkoniyatlarini bilmaslik jinoiy 
javobgarlikni keltirib chiqarmaydi. Mazkur jinoyat ehtiyotsizlik yuzasidan 
sodir etilishi nazarda tutilmagan. 
1
Қаранг:
Ўзбекистон Республикаси Олий суди Пленумининг 1998 йил 17 апрелдаги «Иқтисодиёт соҳасидаги 
жиноий ишлар бўйича суд амалиётида юзага келган айрим масалалар тўғрисида»ги 11-сонли қарори 
(Ўзбекистон Республикаси Олий суди Пленумининг 2002 йил 14 июндаги 10-сонли, 2002 йил 25 октябрдаги 28-
сонли ва 2006 йил 3 февралдаги 5-сонли қарорларига асосан киритилган ўзгартириш ва қўшимчалар билан) // 
Тўплам, 1-жилд. — 121-122-б.
2
Қаранг
: 
Ўзбекистон Республикаси Олий суди ва Ўзбекистон Республикаси Олий хўжалик суди қўшма 
Пленумининг 2000 йил 28 апрелдаги «Тадбиркорлик фаолияти билан боғлиқ қонунчиликни қўллаш суд 
амалиёти тўғрисида»ги 2/84-сонли қарори (Ўзбекистон Республикаси Олий суди ва Олий хўжалик суди қўшма 
Пленумининг 2002 йил 25 октябрдаги 21/108-сонли қарорига асосан киритилган ўзгартириш ва қўшимчалар 
билан) // Тўплам, 2-жилд. — 11-б.
166 

---

Motiv 
va 
maqsad 
qoida tariqasida g‘arazli bo‘ladi. 
Jinoyat 
subyekti 
16 yoshga to‘lgan, aqli raso jismoniy shaxs 
hisoblanadi. Bunday subyekt deb, qonunga muvofiq daromad, foyda va 
soliq solishning boshqa obyektlari haqida to‘liq axborot berish hamda 
davlat foydasiga belgilangan to‘lovlarni kiritish vazifasi yuklatilgan 
shaxslar tan olinishi mumkin. Bular qatoriga, mulk shaklidan qat’i nazar, 
korxonalar, muassasalar, tashkilotlarning soliqlarni hisoblab chiqarish va 
to‘lash bilan bog‘liq buxgalteriya hisobotini olib borish, hujjatlar taqdim 
qilish zimmasiga yuklatilgan mansabdor shaxslar (korxona, muassasa va 
tashkilotlarning rahbarlari, ularning o‘rinbosarlari, bosh hisobchilari va 
hisobxonaning mansabdor shaxslari) kiradi. 
Qonunga binoan belgilangan hisobot shaklida hujjatlar taqdim etishga va 
soliq to‘lashga majbur bo‘lgan jismoniy shaxslar (soliq to‘lovchilar) ham 
ushbu jinoyatning subyektlari bo‘lishi mumkin
1
.