Maxsus pedogogika 2016. indd

Musiqiy tarbiya

Maktabgacha  yoshdagi  aqli  zaif  bolalarga  estetik  tarbiya 

berishda musiqa mashg‘ulotlari ham katta ahamiyatga ega. Bu 

mashg‘ulotlarni guruh tarbiyachisi bilan birga musiqa xodimi 

olib  boradi.  Musiqiy  tarbiya  ishlarida  korreksion-tarbiyaviy 

ishlar  amalga  oshadi.  Musiqiy-korreksion  tarbiya  ishlariga 

quyidagilar kiradi: bolaning eshitish idrokini o‘stirish, musiqa 

ritmlarini his qilishni o‘stirish, ashula aytishni hamda musiqali 

harakatlarni tarbiyalab borish. Bu ishlar individual va frontal 

mashqlar asosida o‘tkaziladi. Musiqa xodimi katta guruh bo-

lalari bilan haftada ikki marta frontal mashg‘ulot o‘tkazadi.

Bog‘chada  musiqadan  individual  mashg‘ulotlar  esa  bir 

oyda  2-4  marta  o‘tkaziladi.  Bolalarni  estetik  tarbiyalashning 

ijodiy  hisoboti  sifatida  «Bayram  ertaliklari»  o‘tkaziladi.  Om-

maviy bog‘chalar kabi maxsus bog‘chalarda ham umuman xalq 

bayramlarini  o‘tkazish  an’anaga  aylanib  qoldi.  Bayramlarni 

nishonlash uchun o‘tkaziladigan «Bayram ertaklari» aqli zaif 

bolalarda  Vatanga  mehr-muhabbat  va  xalqona  urf-odatlarga 

hurmat malakalarini rivojlantirish, shakllantirishda asosiy rol 

o‘ynaydi. Shu bilan birga aqli zaif bolalar jamoaga o‘rganadi. 

Ular  xursandshilik kayfiyatlarini, mamnunlik tuyg‘ularini his 

qilishga ham o‘rganib boradilar.

---

44

45