Maxmudov n. M., Hakimov h. A. Makroiqtisodiy tahlil

12.4. Suzuvchi almashuv kursi sharoitida iqtisodiy siyosat. 
 
Suzuvchi  almashtirish  kursi  sharoitida  pul  va  budjet-soliq  siyosati 
qayd etilgan kursdagi vaziyatga nisbatan butunlay boshqa natijalarga ega. 
Endi  rollar  taqsimoti  muammosini  to‘g‘ri  yechish  teskari  ifodaga  ega 
bo‘ladi:  budjet  -  soliq  siyosati  pul  siyosatiga  nisbatan  savdo  balansi 
uchun,  demak pul balansi uchun ham katta qiymatga ega bo‘ladi va aynan 
undan  tashqi  balansga  erishish  uchun  foydalanish  kerak  bo‘ladi,  ichki 
balans esa pul siyosati uchun tartiblash predmetiga aylanadi.  
                                                            
75
  N.  Gregory  Mankiw.    Macroeconomics.  7  th  edition.  Harvard  University.  NY.:  Worth  Publishers, 
2015 

---

135 
Agar  qayd  etilgan  kursda  ichki  pul  siyosati  almashtirish  kursini 
qo‘llab-quvvatlash  zarurligigi  bilan  bog‘langan  bo‘lsa,    endi  u  bunday 
vazifasidan  xalos  bo‘ladi  va  ichki  muammolarni  yechishda  samarali 
foydalanilishi mumkin bo‘lib qoladi.  
Shunday qilib, pul taklifining kengayishi foiz stavkasini pasaytiradi 
va  xarajatlarning  o‘sishiga  olib  keladi.  Ma’lumki,  xarajatlarning 
ko‘payishi  importning  o‘sishini  rag‘batlantiradi  va  savdo  balansini 
yomonlashtiradi.  To‘lov  balansi  defitsitiga  foiz  stavkasining  pasayishi 
tufayli  ro’y  beradigan  kapitalning  oqib  chiqishi  ham  ko‘maklashadi. 
Lekin egiluvchan kursda defitsit saqlanib qolmaydi.  
Importning  o‘sishi  va  kapitalning  oqib  chiqishi  xorijiy  valutaga 
bo‘lgan  talabni  oshiradi,    milliy  valuta  esa  qadrsizlanadi.  Bunday 
qadrsizlanish  o‘z  navbatida  bizning  eksportyorlarimizning  raqobatga 
layoqatliligini  kuchaytiradi,  bu  esa  savdo  balansini  yaxshilashga  olib 
boradi. Eksportning o‘sishi  milliy mahsulotga bo‘lgan talab oshganligini 
ko‘rsatadi, bu esa pul massasining dastlabki o‘sishi tufayli vujudga kelgan 
iqtisodiy ko‘tarinkilikni yanada kuchaytiradi.  
Shunday  qilib,    pul  siyosati,  pul  taklifining  bevosita  o‘sishi,  
shuningdek  almashtiruv  kursini  pasaytirish  va  eksportni  oshirish  yo‘li 
bilan,    ichki  daromadga  kuchli  ta’sir  ko‘rsatadi.  Kapitalning 
harakatchanligi  kapitalning  oqib  chiqishiga  ta’sir  ko‘rsata  oladigan 
darajada ahamiyatga ega, demak,  milliy valutaning qadrsizlanishiga ham. 
Lekin,  pul siyosati mexanizmining murakkabligini esga tushirib,  shuni 
taxmin qilish mumkinki,  uning ishlab chiqarishga ijobiy ta’siri kattaroq 
darajada,    ishlab  chiqarishning  ichki  rag‘batlantiruvchi  omillariga 
nisbatan  tashqi  dunyoga  bevosita  bog‘liq  bo‘ladi  (foiz  stavkasini 
pasaytirish  orqali),    ya’ni  milliy  maxsulotga  bo‘lgan  talabning  o‘sishi,  
mamlakatdan  kapitalning  oqib  chiqishi  va  valutaning  qadrsizlanishi 
sharoitida,  bizning eksportimizga talabning o‘sishi hisobiga ro‘y beradi. 
Shunga  ko‘ra  pul  siyosatining  ichki  balansga  ijobiy  ta’siri  nixoyatda 
o‘ziga xos bo‘ladi.