Мавзусида халқаро илмий-амалий анжуманининг

“Экстремизм ва терроризмга қарши кураш стратегияси: халқаро ва миллий тажриба” мавзусида халқаро илмий-амалий анжуманининг АХБОРОТ ХАТИ

Илмий-амалий анжуманнинг ташкилотчиси ва ўтказиш жойи: Ўзбекистон Республикаси Миллий гвардияси ва Ўзбекистон Республикаси Жамоат хавфсизлиги университети.

Илмий-амалий анжуман Ўзбекистон Республикаси Жамоат хавфсизлиги университетида ўтказилади.
Илмий-амалий анжуманнинг ўтказиш санаси:
2022 йил 28 январь, соат 11.00
Илмий-амалий анжуманнинг мақоми ва иштирокчилари:
Анжуманда халқаро ва республика олий (ҳарбий) таълим муассасаларининг профессор-ўқитувчилари ва илмий тадқиқотчилари иштирок этиши режалаштирилган.
Иштирокчиларнинг кўзда тутилган сони:
Хорижий ҳамкор ташкилотлар иштирокчилари онлайн иштирок этади (Zoom платформаси орқали). (Анжуманга уланиш коди қўшимча тарзда эълон қилинади).
Анжуманнинг ишчи тиллари:
Ўзбек, рус ва инглиз тилларида.
Конференциянинг мақсади: Ушбу конференция Ўзбекистон Республикаси Президентининг 2021 йил 6 ноябрь куни қабул қилинган
“Янги Ўзбекистоннинг 2022-2026 йилларга мўлжалланган тараққиёт стратегияси”да белгиланаган вазифалар ижросини таъминлаш мақсадида ташкил этилмоқда. Глобаллашув даврида экстремизм ва терроризм каби таҳдидларнинг инсоният цивилизацияси ҳаётига, хавфсизлигига, ижтимоий тараққиётига бузғунчилик ва вайронкорлик таъсирининг кўлами кенгайиб бораётганлигини ҳисобга олиб, шу каби таҳдидларга қарши кураш бутун дунё ҳамжамияти олдида турган долзарб вазифалардан бири ҳисобланади. Шу боис, бугунги кунда ислом дини ниқоби остида содир этилаётган террорчилик ҳаракатлари, Яқин Шарқдаги геосиёсий вазият, терроризмнинг жаҳон иқтисодига таҳдиди ҳамда у келтириб чиқараётган оқибатларни ўрганиш муҳим аҳамият касб этади.
Конференциянинг шўъбалари:
1-шўъба: Жамоат хавфсизлигини таъминлашда экстремизм ва терроризмга қарши кураш стратегияси.
2-шўъба: Миллий қадриятлар тарихида ислом омилининг ўрни.
3-шўъба: Яқин Шарқ мамлакатлари геосиёсий вазиятига экстремизм
ва терроризмнинг таъсири.
4-шўъба: Ёшлар – дин ниқобидаги мафкуравий таҳдидларнинг асосий объектлари: муаммо ва ечимлар.
5-шўъба: Дунёвийлик ва динийлик уйғунлиги: ислоҳотлар, ўзгаришлар ва муаммолар.
Анжуманда қатнашиш учун иштирокчилар бўйича маълумот
ва иштирокчининг тезис ва мақолалари 2022 йилнинг 25 январига кунига қадар ташкилий қўмитанинг қуйидаги электрон почта манзилга юбориш зарур: [e-mail]
Масъул:Юсупова Дилдора Дилшатовна (телеграм учун (99) 856-85-35
телефон учун (99) 935-95-59).


Муаллифлар учун маълумот:
1. Конференция материаллари экспертлар ва таҳририят текширувидан ўтгандан сўнг тўплам сифатида бепул чоп этилади, иштирокчиларга электрон (pdf) шаклида тарқатилади. Мақолалар Times New Roman, 14 шрифт,
1,5 интервалда терилган бўлиши шарт (барча томондан ҳошиялар 2 см).
2. Биринчи қаторда, саҳифанинг ўртасида бош ва қалин ҳарфлар билан мақоланинг номи, 2-қаторда муаллифнинг фамилияси, исми ва отасининг исми, 3-қаторда муаллифнинг иш жойи, лавозими, илмий даражаси ва унвони, телефон рақами, электрон почтаси, 4-қаторда матн ёзилади (намунага қаранг).
3. Асосий матн сатрлар оралиғи 1,5 см интервалда, сатр боши – 1см, сатрларни энига тўғирлаш, сўзларни бошқа қаторга кўчириш – автоматик тарзда бўлиши лозим.
4. Манба ва адабиётга иқтибос (ссылка)лар асосий матн ичида [1] кўринишда бўлиши лозим (намунага қаранг).
6. Тақдим этилаётган мақолалар ҳажми 3 бетдан 7 бетгача бўлиши мумкин.
7. Конференция материаллари ўзбек, рус ва инглиз тилларида қабул қилинади.
8. Матн илмий-услубий, таҳрир қилинган ҳамда шўъбаларга мансублиги кўрсатилган бўлиши лозим.
9. Иқтидорли талаба ва магистрантларнинг илмий мақолаларига илмий раҳбар (маслаҳатчи) тақризи талаб этилади.
Тақдим этилаётган мақолаларни расмийлаштириш тартиби:
Н А М У Н А

МАҚОЛА НОМИ Абдуллаев Аброр Ахмедович Илмий даражаси ва унвони, иш жойи, телефон рақами, электрон почтаси Асосий матн. Асосий матн. Асосий матн [1, адабиётнинг қайси бетидан олинганлиги, масалан: 11-б.]. Асосий матн. Адабиётлар Муаллиф. Мақола номи. Нашр қилинган жойи, нашриёт номи, нашр қилинган йили, умумий бети.

Анжуманда иштирок этиши режалаштирилаётган иштирокчилар
Рўйхати

1. 
   Ўзбекистон Республикаси Ички ишлар вазирлиги;
   
2. 
   Ўзбекистон Республикаси Ички ишлар вазирлиги академияси;
   
3. 
   Ўзбекистон Республикаси Қуролли Кучлар академияси;
   
4. 
   Ўзбекистон Республикаси Бош прокуратураси академияси;
   
5. 
   Ўзбекистон халқаро ислом академияси;
   
6. 
   Мирзо Улуғбек номидаги Ўзбекистон Миллий университети;
   
7. 
   Г.В.Плеханов номидаги Россия иқтисодиёт университети ва Тошкент филиали;
   
8. 
   Россия Федерацияси Ички ишлар вазирлигининг Краснодар университети
   
9. 
   Беларусь Республикаси Ички ишлар академияси;
   
10. 
    Туркия Республикаси Жандармерия ва соҳил хавфсизлиги академияси;
    
11. 
    .Испания Сан Пабло университети;
    
12. 
    Нью-Йорк Хофстра университети, АҚШ.