Мавзуси бўйича ёзган битирув ишига илмий рахбар хулосаси

Фарғона Давлат Университети ҳузуридаги педагогик кадрларни қайта тайёрлаш ва уларнинг малакасини ошириш маркази кимё йўналиши тингловчиси Ўринова Озодахон Ўлжаевнанинг “Кимёвий боғланиш ва моддалар тузилиши” мавзусини ўқитишда замонавий педагогик технологиялардан фойдаланиш мавзуси бўйича ёзган битирув ишига
илмий рахбар
ХУЛОСАСИ
Республика Президенти Ш.М.Мирзиёев айтганидек, таълимни ривожлантириш, ёш авлодга жаҳон андозаларига мос билим, иқтидор ва кўникмалар бериш, уларни она –Ватанга, миллий истиқлол ғояларига садоқат руҳида тарбиялаш борасида кўрсатаётган доимий ғамхўрлиги туфайли таълим-тарбия ишларининг бугунги қиёфаси тубдан ўзгарди. У мустақилликка эришиб, тараққиёт йўлидан дадил бораётган мамлакатимиз руҳини, ғоялари ва интилишларини ўзида акс этттирган таълим тизимига айланмоқда. Энг асосийси, мамлакатимизда таълимнинг ҳали жаҳон амалиётида кам учрайдиган бетакрор миллий модели яратилди.
Таълим ва тарбия, илм-фан, соғлиқни сақлаш, маданият ва санъат, спортни ривожлантириш масалалари, ёшларимизнинг чуқур билимга эга бўлиши, чет тилларини ва замонавий ахборот-коммуникация технологияларини пухта эгаллашини таъминлаш доимий устувор вазифамиз бўлиб қолади.
Кириш қисмида битирув иши мавзусининг долзарблиги ва унинг асосланиши, объекти ва предмети, мақсади ва вазифалари, тайёрлашда фойдаланилган адабиётлар ва норматив-ҳуқуқий ҳужжатларнинг қисқача ўзаро таҳлили, назарий ва амалий аҳамияти, структураси ёритилган.
Биринчи бобда кимё фани тараққиётининг устувор йўналишлари, кимё фанини ўқитишдаги инновациялар ва илғор хорижий тажрибалар ўқув жараёнида замонавий педогогик технологиянинг интерфаол таълим методларидан фойдаланиш, кимё фани мазмунининг ўзига хослиги, кимё дарсларига қўйиладиган талаблар, кимёни ўқитишда янги педагогик технологиялар ва интерфаол усуллар ҳақида маълумотлар ўрганилган.
Иккинчи бобда “Кимёвий боғланиш ва моддалар тузилиши” мавзусини ўқитишда замонавий педагогик технологиялардан фойдаланиш битирув ишини ҳимоя қилиш ишида педагогик технологияларнинг хусусиятлари, турлари аниқ кўрсатилган ва ўз аксини топган. Кейс технологияси асосида кимё фанини ўқитишнинг амалий-технологик жиҳатлари, назорат топшириқлари ва мустақил таълим юзасидан кўрсатмаларва натижалар асосида хулосалар берилган.
Ўринова Озодахон мавзуга оид адабиётлар, илмий мақолалар билан танишиб чиққан ва улар асосида ишнинг мақсади, вазифаларини аниқлаб олган. Битирув иши камчиликлардан ҳоли эмас. Айрим саҳифаларда имло хатолари мавжуд. Юқорида кўрсатилган камчиликлар битирув малакавий ишига салбий таъсир этмайди. Ўринова Озодахон томонидан қўйилган барча мақсадлар бажарилган. Ушбу битирув ишини химояга тавсия этаман.


Илмий раҳбар:
Кимё кафедраси мудири, профессор: Нишонов М.Ф