Мавзунинг долзарблиги

O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI


ALISHER NAVOIY NOMIDAGI
SAMARQAND DAVLAT UNIVERSITETI
PEDAGOGIKA FAKULTETI

BOSHLANG’ICH TA’LIM VA TARBIYAVIY ISH YO’NALISHI

PEDAGOGIKA KAFEDRASI


«UMUMIY PEDAGOGIKA NAZARIYASI VA AMALIYOTI» FANIDAN


«MAKTABDA PEDAGOGIK TASHXIS»
MAVZUSIDAGI





Bajaruvchi: 1-bosqich talabasi S.Suvonova
Ilmiy rahbar: Sh.O’roqov

Kurs ishi pedagogika kafedrasida bajarildi.

Kafedra mudiri: dots. A.Abdumannotov
Kurs ishi kafedraning 2013-yil ___ maydagi majlisida himoya qilindi va ______ foizga baholandi.
Komissiya raisi:


A’zolari:
SAMARQAND – 2013
REJA


KIRISh
ASOSIY QISM
1. Pedagogik tashxis tushunchasi va uning mohiyati
2. Ta’limni tashxis etish
3. O’quvchilarning bilim, ko’nikma va malakalarini baholash mezonlari.
XULOSA
FOYDALANILGAN ADABIYoTLAR RO’YXATI
Kirish
Mavzuning dolzarbligi. Jamiyat ijtimoiy-iqtisodiy va ilmiy-texnikaviy taraqqiyotiga yangicha qaraydigan mustaqil fikrlovchi, ishbilarmon, buyuk kelajak poydevorini quruvchi yoshlarni tarbiyalash respublikamiz pedagoglari oldida turgan muhim vazifalardan biridir. Ta’lim islohoti jarayonida bu ulkan vazifani to’la amalga oshiradigan, zamonaviy va jahonning eng ilg’or ta’lim texnologiyalardan mohirona foydalana oladigan pedagog kadrlarga ehtiyoj har qachongidan ortdi.
O’zbekiston Respublikasi prezidenti I.A.Karimov Oliy Majlisning IX sessiyasidagi ma’ruzasida quyidagicha bayon qilgan edi: “tarbiyachilarning o’ziga zamonaviy bilim berish, ularning ma’lumoti, malakasini oshirish kabi paysalga solib bo’lmaydigan dolzarb masalaga duch kelmoqdamiz. Mening fikrimcha, ta’lim-tarbiya tizimini o’zgartirishdagi asosiy muammo ham mana shu yerda… Zamonaviy bilim berish uchun, avvalo murabbiyning o’zi ana shunday bilimga ega bo’lishi kerak”¹. Mamlakatimiz ta’lim tizimining jamiyatimizdagi vazifasi – barkamol insonni shakllantirishdan iboratdir.
Uzluksiz ta’lim tizimida umumiy o’rta ta’lim maktablari o’zining salmog’i hamda boshlang’ich asos ekanligi bilan alohida o’rin egallaydi. Bu esa, o’z navbatida, o’qituvchining kasbiy mahorati, umumiy saviyasini mutassil takomillashtirish uchun sharoit yaratishni talab etadi. O’qituvchi mehnatini rejali tashkil qilish ta’lim-tarbiya muvaffaqiyatining garovidir.
O’quv muassasasidagi ta’lim-tarbiya sifati o’qituvchining bilimi, kasbiy mahorati, mehnatining rag’batlantirilishi, unga moddiy hamda ilmiy-metodik yordam ko’rsatilishiga ham bog’liqdir.
O’zbekiston Respublikasi prezidenti I.A.Karimov “Islohotlar strategiyasi – mamlakatimiz iqtisodiy salohiyatini yuksaltirishdir” nomli ma’ruzasida kadrlar malakasini oshirish mamlakatimiz taraqqiyotining hamda “aholi farovonligini yuksaltirishning muhim omili”² ekanligini alohida ta’kidlangan edi.
Yuqoridagilardan ko’rinib turibdiki, pedagogik tashxis vositalarini tadqiq qilish o’z yechimini kutayotgan dolzarb masalalardan biridir.
Pedagogik tashxis asosida o’quvchilar nutqidagi kamchiliklarni bartaraf kilish L.Mo’minova, o’spirinlarning tarbiyalanganligi, xulqidagi nuqsonlarni korreksiyalash Sh.Abdullayeva tomonidan tadqiq qilinganligi, ammo malaka oshirish jarayonini pedagogik tashxis va o’qituvchilarning o’z shaxslari va faoliyatlarini bevosita o’zlari o’rganishi hamda amaliy faoliyatlariga o’zlari baho berishlarini amalga oshirish muammolari alohida ilmiy tadqiqot obyekti bo’lmagan.