Мавзу: Зиналар ва лифтлар

Лифт шахтасининг деворлари ва пойдевори бино конструкциясидан кенглиги 20-40 мм оралиқ-зазор билан товуш изоляцияси мақсадида ажратилади. Бинонинг қаватлараро ёпмалари ва шахта деворлари орасидаги тирқиш юмшоқ товуш ўтказмайдиган қистирма билан тўлдирилади.

Лифт шахтаси тепасида жойлашган машина бўлимида, бошқа юк кўтарувчи конструкциялар билан боғланмаган ва яхлит товуш ўтказмайдиган қатлам орқали ёпмага эркин ётқизилган, таянч плитасига тебранма амортизаторлар орқали электр лебедкаси ўрнатиш кўзда тутилади.

Лифтларнинг шахта элементлари қурилишга заводда максимал тайёрланиб етказиб берилади, шу жумладан эшикни ўрнатиш ва бошқалар. Лифтларнинг шахтаси конструкцияларини қурилишнинг ўзида монолит бетондан қуриш кўп қаватли стволли конструктив системали ва шу асосидаги комбинацияланган системали бинолар учун мақсадга мувофиқ ҳисобланади. Бундай ҳолда лифтлар қудуқчасининг конструкциялари ҳам юк кўтарувчи ва ҳам тўсиқ вазифасини бажаради.

Лифт шахталарининг ўлчамлари:

• а - юк кўтариш қобилияти 400 кг, тезлиги 0,7 м/c йўловчи лифт;
• б- юк кўтариш қобилияти 630 кг, тезлиги 1 м/c йўловчи лифт;
• в- юк кўтариш қо-билияти 630 кг, тезлиги 1 м/c юк, йўловчи лифт;
• 1- йўналтирувчи; 2- лифт кабинаси;
• 3- посанги; 4- лифт шахтаси.

Йиғма темирбетон лифт шахтаси:

• а-шахтанинг ёпма плитаси;
• б- устки ҳажмий блок;
• в- ўртадаги ҳажмий блок;
• г- остки ҳажмий блок;
• д- лифт кабинаси буфери (урилиш зарбини камайтирувчи мослама) остидаги устунча;
• 1- монтаж илмоғи;
• 2- инвентар ҳавозаларни таяниши учун тешик;
• 3- конус шаклидаги икки томони очиқ ички тешик;
• 4- чақирувчи аппарат учун тешик;
• 5- ҳажмий блокда қолди-рилган бириктирувчи пўлат элемент;
• 6- ички томондан ўйиқ .