Мавзу: Ўзбекистон Республикасида Ғазначилик тизимини ривожлантириш истиқболлари

1-чизма Бюджет ажратмаларининг лимитини ғазначилик органлари ва бюджетдан маблағ олувчиларга етказилиши.
Бюджет сиёсатининг асосий йўналиши молиявий ресурслардан фойдаланиш самарадорлигини ошириш, молиявий тизим соҳалари ўртасида қайта тақсимлаш ва республикамиз ижтимоий-иқтисодий ривожлантиришни
барқарорлаштириш мақсадида, давлат ихтиёридаги молия ресурсларини марказлаштиришдан иборатдир.
Бюджетнинг ижроси бюджет жараёнидаги асосий босқичлардан бири
ҳисобланадики, бунда белгиланган истиқбол кўрсаткичлари, аниқ режалар ва
турли муддатли дастурлар амалиётига тадбиқ этилади. Бюджет маблағларини
иқтисод қилинган ҳолда, самарали ишлатилиши давлатнинг бюджет сиёсатининг устувор йўналишларини амалга ошириш имкониятини беради.
Иқтисодий ислоҳотларни чуқурлаштиришнинг устувор вазифалари иқтисодиётни эркинлаштириш, давлат бошқарувчилик функциясини қисқартириш ва унинг иқтисодиётга аралашувини чеклашдан иборат.
Шу билан биргаликда мамлкатда ишлаб чиқиаришни шакллантириш ва
ривожлантириш, бюджет-солиқ сиёсати яхлитлигини таъминлаш, бюджет тақчиллигини тартибга солиш каби вазифаларни амалга ошириш учун, давлат даромадларини, аввало, солиқлар орқали иқтисодиётни бошқариш
механизмини тўғри, оқилона ишлаб чиқиш ва амалиётгатадбиқ этиш лозим
бўлади.
Мамлакатимизда олиб борилаётган бюджет сиёсатининг асосий йўналишларидан бюджет тақчиллигини маълум нисбатда ушлаб туриш ва уни тартибга солиш, бюджет маблағларидан сарфлашда мақсадли, самарали ва оқилона ишлатишга риоя этиш билан бирга даромадларни ўз вақтида тушириш бюджет ижросида яхши натижалар беради. Мамлакатимизда бюджет тизимини ривожлантириш юзасидан устувор вазифалар ва топшириқларнинг бажарилиши ҳамда долзарб муаммоларнинг ҳал этилишига бағишланган мажлисда “Биз бугун бюджет маблағларидан нечоғли самарали фойдаланаётганлигимиз тўғрисидаги масалага ҳам жиддий
қарашимиз зарур. Бугун биз давлат маблағларини оқилона сарфлашнинг энг
мақбул таркибига эгамиз, деб айта олмаймиз” деб таъкидлаб ўтган эди12. Шу
сабабли, яқин келажакда давлат бюджетини ижро этишнинг ғазначилик
тизимини изчил жорий этишни таъминлайдиган чора-тадбирларни амалга
ошириш муҳим аҳамиятга эгадир.