|
Sifat nazorati
|
|
|
|
|
|
|
|
|
|
Ishlab chiqarish nazorati
(qurilish
laboratoriyasi va Pudratchining sifat xizmati tomonidan bajariladi)
|
|
Qabul qilish nazorati (Buyurtmachining texnik nazorat inspektori tomonidan bajariladi)
|
|
Mualliflik nazorati (Loyihachi tashkilot tomonidan bajariladi)
|
|
Davlat arxitektura – ta’mirlash nazorati
|
1-rasm. Qurilish – montaj ishlarining sifatini nazorat qilish tizimining tashkil etuvchilari
Qurilish – montaj ishlarida sifatni ishlab chiqarish nazoratini 4.2-rasmda keltirilgan sxema ko‘rinishida ifodalash mumkin.
4.2-rasm. Sifatni ishlab chiqarish nazorati turlari
Yo‘l poyini qurishda sifat nazorati
Avtomobil yo‘llari sanoat va qishloq xo‘jalik korxonalarining tekislangan maydonlarida qurilganda, yo‘l poyi bevosita yo‘l to‘shama asosini yotqizishdan oldin quriladi. Yo‘l poyining mustahkamligi va turg‘unligi suv-issiqlik rejimini yo‘lga qo‘yuvchi muhandislik ishlari majmui: yuza va grunt suvlarni chetlatish, yo‘l to‘shama quyi qismini grunt suvlarining hisobiy gorizontidan balandda ta’mirlash, gruntlarni talab darajasida zichlash va boshqa ishlarni bajarish bilan ta’minlanadi.
Yo‘l poyini qurilishda kompleks mexanizasiyalashgan uslublardan foydalanish lozim.
Yo‘l poyini qurilishida, avval loyihada ko‘rsatilgan kar’erlardagi, zahiralardagi, o‘ymalardagi, tabiiy asoslardagi gruntlarning haqiqiy ko‘rsatkichlari (donadorlik tarkibi, loysimon gruntlar plastikligi), hamda holati (namligi, zichligi) tekshiriladi.
Ish bajariladigan joylarda nishabligi 1:3 dan katta qiyaliklar va yonbag‘irlarlar mavjud bo‘lsa, ta’mirlash jarayonida yo‘l poyining surilish va cho‘kish xavfi bor-yo‘qligi nivelir yordamida tekshirib olinishi lozim.
Yo‘l poyi ta’mirlashi sifatini texnologik jarayonga muvofiq nazorat qilishda quyidagilarni tekshirilishi lozim:
-yo‘l poyining o‘qi bo‘ylab rejada - va balandlikda to‘g‘ri joylashganini;
- olinadigan gruntni unumdor qatlami qalinligini;
- yo‘l poyi asosidagi grunt zichligi;
- ishlatiladigan gruntning namligi;
- yotqizilayotgan qatlam qalinligi;
-ko‘tarma qatlamlarida gruntning bir xilligi;
- ko‘tarma qatlamlaridagi gruntning zichligi;
- yuza ravonligi;
- yo‘l poyi ko‘ndalang kesimi (o‘q bilan yo‘l cheti orasidagi masofa, ko‘ndalang nishabligi, yon bag‘ir qiyaligi);
- zax qochiruvchi quvur va suv qaytaruvchi qurilmalar, qatlamlar, yo‘l yoqasi va yonbag‘ir qiyaliklarini mustahkamligining to‘g‘ri bajarilganligi.
Gruntning nazorat etiladigan geometrik o‘lchamlari va zichligining yo‘l qo‘yiladigan loyihadan chetga chiqishlar ShNQ 3.06.03-08 ning V- ilovasida keltirilgan.
Qish oylarida tuproq ishlari sifatini jarayonli nazorat qilishda muzlagan kesaklar va ularning kattaligi, undan tashqari yuzani qor va muzlardan tozalanganligi qo‘shimcha ravishda tekshirilishi zarur.
Yo‘l poyining o‘qi, balandligi, ko‘ndalang kesimi, yo‘l yoqasi, suv qaytaruvchi va zah qochiruvchi qurilmalar, qatlam qalinligini to‘g‘ri joylashtirilganligini, asosan ish jarayonida belgilar o‘rnatilgan joylar yaqinida har 100 metrdan kam bo‘lmagan masofada (ko‘ndalang kesimda 3 nuqtada) geodezik asboblar va jihozlar bilan tekshiriladi.
Grunt zichligini har texnologik qatlamni yotqizishda yo‘l poyi o‘qida, chetidan 1,5-2,0 masofada, qatlam kengligi 20 m dan ortiq bo‘lganda oraliq nuqtalarda tekshiriladi.
Grunt zichligi, bir smenada zichlovchi mashinalar bajaradigan qismda, ko‘tarma balandligi 3 m gacha bo‘lganda har 200 m da, ko‘tarma balandligi 3 m dan ko‘p bo‘lganda esa ko‘pi bilan har 50 m masofada aniqlanadi.
Yuqori qatlamning zichligi har 50 m dan ko‘p bo‘lmagan masofada tekshiriladi. Zichlikni qo‘shimcha ravishda nazorat qilish, quvur atrofini to‘ldirishda har bir qatlamda, quvurlar ustini yopishda, kar’eruslar va ko‘priklar bilan ulanish joylarini qurilish olib boriladi.
Ustki qatlam zichligi qalinligining 1/3 yoki kamida 8 cm dan kam bo‘lmagan qismida tekshirilishi kerak.
Zichlik koeffisientining talab qilingan darajadan chetga chiqishi, hamma bajarilgan o‘chovlar umumiy sonining 10% dan ko‘p bo‘lmasligi, ammo 0,04 dan ortmasligi kerak.
Foydalanilayotgan gruntlarning namligi asosan olinayotgan yerda (zahira, kar’erda) smenada kamida 1 marta va har har yog‘ingarchilikda albatta tekshirilishi shart.
Gruntning namligi va zichligi GOST 5180 bo‘yicha aniqlanadi. Ish jarayonida nazorat qilishda tez aniqlovchi, ekspress qo‘llanma va asbob-anjomlardan foydalanish mumkin.
Gruntning bir hillik xususiyati ko‘z bilan chamalash asosida tekshiriladi. Agar gruntning bir hilligi o‘zgarsa, GOST 25100-2011 bo‘yicha uning farqli ko‘rinishi va toifasi aniqlanadi.
Yo‘l poyi yuzasining ravonligi nivelir bilan ko‘ndalang kesimda, o‘qi va ikki chetidagi uch nuqtada kamida har 50 m masofada o‘lchov olish bilan nazorat qilinadi. Yo‘l poyining asosi va oralig‘idagi ko‘tarma qatlamlari yuzasida qurilish paytida suv to‘planib qoladigan mayda chuqurchalar bo‘lmasligi kerak.
Vertikal drenaj uchun ishlatiladigan qumning tuzilishi loyiha talablariga javob berishi zahirada smena davomida bir marta aniqlanadi.
Nazorat savollari
1. Yoʻllarini qurish va uni tashkil etishda hujjatlar tarkibini tushuntiring.
2. Yoʻl qurilish ishlarini tashkil etishdagi bosqichlarni tushuntiring.
3. Tayyorgarlik ishlari boʻyicha qanday koʻrsatmalar amalga oshiriladi.
4. Yoʻl poyini qurishda sifat nazoratini tushuntring.
Do'stlaringiz bilan baham: |
