Мавзу: Юкори жагда айрим гурух тишларини олиш

Бормашина ишлатиш имкони бўлмаганда илдизларни искана ва элеватор ёрдамида қоқиб чиқариш усулида олиш мумкин



126 Расм . пастки жағнинг озиқ тишини қоқиб чиқариш усулида элеватор билан олиш чизмаси
а) альвеоляр ўсиқ қиррасидан ўтув бурмага трапеция шаклдаги кесма чизилади б)милк кесилиб лахтак ажратилган; в) искана билан ташқи кортикал қатлам қоқиб олиниб илдизлар ялонғочланган; г) элевато медиал илдиз буйлаб қисқа ярим айланма харакатлар билан периодонтал оралиққа кириб чиқариб олинган; д) шу харакатлар билан дистао илдиз чиқарилган ; е) ярага чоклар қуйилган.
Тишни илдизининг учи синганида чиқариб олишни икки усули бор – биринчиси катакчагада ингичка учли элеватор ёрдамида жойидан силжитиш ва қисқич билан суғириб олиш( расм 127), иккинчиси суяк юзасидан тешик очиб чиқариб олиш(расм 128).

127 Расм . Пастки жағнинг кичик озиқ тишини синган илдизини олиш босқичлари:
а) синган илдизни жа-даги холати, б) элеватор ёрдамида ўрнидан силжитиш, в) қисқич билан суғириб олиш;



128 Расм : Бормашина ёрдамида илдизни чиқариб олиш:
а) ўтқазиладиган кесма
б) лахтак ажратилиб илдиз учи атрофидаги суяк бор билан олиб ташланган
в) илдиз учи чиқариб олиниши


Жароҳатни тиш олингандан сўнг ишлови ва парваришлаш.
Тиш илдизи тиш ўрнидан олингандан сўнг , лункада илдиз қисмлари ва бўлаклари қолмаганликка ишонч ҳосил қилиш керак. Сўнг ўткир жарроҳлик қошиғи билан тиш ўрни туби текширилади, патологик грануляцион тўқималар ёки гранулёма бўлмаса, суяк синиқлари ёки тиш бўлаклари олиб ташланади. Сўнг тиш ўрни деворининг бутунлиги текширилади. Тиш олинганда унинг илдизи атрофидаги тўқималардаги қон томирлар ёрилиши ҳисобига тиш ўрнида қон оқими кузатилади. Қон 2-5 минутдан кейин тухтайди . Бунда қон ивиб, қон қуйқасини ҳосил қилади ва улар тиш ўрнини тўлдиради. Бу эса оғиз бўшлиғидан инфекция тушишидан сақлайди. Қон қуйкаси билан тўлмаса , йодоформли марли қўйилади . Марли 5-7 кундан кейин олинади. Грануляцион тўқима билан тиш ўрни тўла бошлайди.
Тиш олингандан сўнг жароҳат 2 ламчи битади. Милк четлари айланма бойламлари ажратилганлиги ҳисобига бир-бирига яқинлашиб битади. Шу билан бир вақтда қон қуйқалари ҳосил бўла бошлайди, дастлаб грануляцион тўқимага сўнг остеолид тўқимага айланади.Тиш ўрни нормал битган ҳолларда ҳеч қандай оғриқ кузатилмайди. 3-4 кундан сўнг грануляцион тўқималар ўсиши кузатилади ва 14 кундан кейин альвеола грануляцион тўқима билан тўлади. 1 ойдан 4 ойгача остеодланиш сўнг суякланиш кузатилади . Шу билан бирга тиш ўрни деворларининг тахминан илдиз узунлиги буйича 1/3 қисм сўрилади .