Мавзу: Юкори жагда айрим гурух тишларини олиш

Бормашина ёрдамида тиш илдизларини очиш ва олиш.
Илдиз қийшиқ, учи гиперцементоз ёки аномалия шаклида
бўлса, олаётганда синиб қолади. Жароҳат натижасида ҳам илдиз
синиши мумкин. Илдиз учи бундай ҳолларда тиш каттаги тубида
(чуқурда) бўлади. Юқорида келтирилган усуллар билан бундай ил­
дизларни олиб бўлмайди. Илдизни бормашина ёрдамида очиб
олиш катта операция ҳисобланади. Уни бошлашдан олдин керакли
асбобларни тайёрлаш зарур.
Тишлар илдизини бормашина ва искана ёрдамида олиш учун борлар ва асбоблар намунаси расмда келтирилган ( расм 124)

а б в
124 Расм . илдизлар олинишида ишлатиладиладиган
а) борлар б) болға в) исканалар


Илдизни суяк ичидан олиш операцияси бир неча босқичдан иборат:
1. Илдиз олинадиган сохада асоси ўтув бурмага қаратилган кенг
трапация шаклидаги шиллиқ қават ва суяк усти қобиғи суяккача кесилади ва лахтак ажратилиб, пастга сурилади.
2. Бормашина ёрдамида думалоқ борлар билан жағ суягининг
ташқи кортикал пластинкаси илдиз рўпарасида доира қилиб
тешилади. Улар бир - бирига фиссур бор билан бирлаштирилиб, илдиз тўлиқ очилгунча суяк кесиб олинади.
3. Бурчакли элеватор ёрдамида (юқорида келтирилган услубда)
илдиз ўрнидан кўзғатилади ва чиқариб олинади.
4. Суякдаги ўткир қирралар текисланиб лахтак жойига тиқиб
қуйилади.

125 Расм. Бормашина ёрдамида тиш илдизларини очиш: а)кесмани чизмаси, б) думалоқ бор билан кортикал қатлама тешилган, в) фисурали бор биланилдиз атрофидаги суяк кесилган, г) элеватор билан медиал, д) дистал илдизлар чиқарилган, е) ярага чоклар куйилган.