Mavzu: Yo’l belgilarining o’rnatilishi Reja: Yo’l belgilarining guruhlari

1.2. – Enli sidirg’a chiziq
Qoidaga ko’ra, enli sidirg’a chiziqning kengligi 20 sm. bo’ladi. U avtomagistrallarda harakatlanish qismining chegarasini bildiradi. Enli sidirg’a chiziqlar yo’lning qatnov qismi chekkasiga chiziladi va uni zarur hollarda kesib o’tish mumkin.
1.3. – Ikki parallel sidirg’a chiziq
Ikki parallel sidirg’a chiziq to’rt va undan ortiq harakatlanish bo’lagi bo’lgan yo’llarda qarama-qarshi yo’nalishdagi transport vositalarining oqimini ajratadi. CHiziqni kesib o’tish qat’iyan taqiqlanadi. Ikki parallel sidirg’a chiziqni kesib, yo’lning qarama-qarshi tomoniga o’tgan haydovchi eng kam oylik ish haqining 10 baravari miqdorida ma’muriy javobgarlikka tortiladi.
1.4. – Sidirg’a sariq chiziq
Yo’lning harakatlanish qismi chetiga yoki yo’l chetidagi to’siqqa, ya’ni bordyurga chizilgan sariq chiziq, belgilangan yo’nalishdagi transport vositalaridan, ya’ni avtobus, trolleybus, tramvay va yo’nalishli taksilardan boshqa barcha transport vositalarining shu joyda to’xtashini taqiqlaydi. To’xtash va to’xtab turish qoidalari buzilsa, eng kam oylik ish haqining 3 baravari miqdorida jarima belgilanadi. Sariq sidirg’a chiziq yakka holda yoki 3.27. "To’xtash taqiqlangan" yo’l belgisi bilan birga qo’yiladi va belgining ta’sir doirasi chiziqning uzunligi bilan belgilanadi.
1.5. – Uzuq-uzuq, shtrix shakldagi chiziq
Ushbu chiziq ikkita vazifani bajaradi:
Birinchisi, ikki yoki uch bo’lakli yo’llarda qarama-qarshi yo’nalishlarda harakatlanayotgan transport vositalarining oqimini ajratadi.
Ikkinchisi, bir yo’nalishda harakatlanish uchun mo’ljallangan ikki va undan ortiq bo’lakli yo’llarda harakat bo’laklarining chegaralarini bildiradi.
Uzuq-uzuq chiziqning uzunligi ular orasidagi oraliq masofadan uch marta qisqa bo’ladi va uni zarur hollarda kesib o’tish mumkin. Yo’l chiziqlari bilan belgilab qo’yilgan talablarga rioya qilmaganlik uchun eng kam oylik ish haqining 0,5 baravari miqdorida jarima belgilanadi.
1.6. – Oraliq masofasi chiziq uzunligidan uch baravar qisqa bo’lgan uzuq-uzuq chiziqlar
Bu yaqinlashish chizig’i bo’lib, transport vositalari haydovchilarini qarama-qarshi yoki bir yo’nalishda harakatlanayotgan transport vositalari oqimlarini ajratuvchi 1.1. – Sidirg’a yoki 1.11. – Sidirg’a va shtrixli Parallel chiziq yaqinlashayotganligi haqida ogohlantiradi. Bunday vaziyatda haydovchidan tezroq o’z harakat bo’lagini tanlashi lozimligi talab etiladi. Yo’l chiziqlari bilan belgilab qo’yilgan talablarga rioya qilmaganlik uchun eng kam oylik ish haqining 0,5 baravari miqdorida jarima belgilanadi.