Mavzu: Yo’l belgilarining o’rnatilishi Reja: Yo’l belgilarining guruhlari

Qayrilib olish taqiqlangan joylar
Qayrilib olish xavfli manyovrlardan biri hisoblanib, uni amalga oshirishda haydovchi o’ta e’tiborli bo’lishi kerak, chunki so’nggi vaqtlarda bunday vaziyatlarda ro’y berayotgan yo’l - transport hodisalarining soni oshmoqda. Haydovchi yo’lning bunday xavfli qismlarini taqiqlovchi belgilarsiz ham bilishi shart.
Quyidagi joylarda orqaga qayrilib olish taqiqlanadi:
- piyodalar o’tish joylarida;
- tonnellarda;
- ko’priklar, osma yo’llar, ya’ni estakadalar, osma ko’priklar va ularning ostida;
- temir yo’l kesishmalarida;
- yo’lning ko’rinishi biron – bir yo’nalishda 100 metrdan kam bo’lgan joylarda.
Ushbu qoidalar buzilsa, EKOIHning 0,5 baravari miqdorida jarima belgilanadi.
Orqaga harakatlanishning qoidalari
Transport vositasini orqaga harakatlantirishda haydovchi yo’l harakati xavfsizligini ta’minlashi va boshqa yo’l harakati qatnashchilariga xalaqit bermasligi shart. Zarurat tug’ilganda, haydovchi boshqa shaxslarning yordamidan foydalanishi mumkin. Tahlillar shuni ko’rsatadiki, tajribasiz haydovchilar orqaga harakatlanishda tor yo’lak va darvoza gabaritlarini mo’ljalga olishda qiynaladilar va orqadan kelayotgan transport vositalarini e’tibordan qochiradilar. Bunday holatlarda haydovchi harakat xavfsizligini ta’minlash maqsadida boshqa shaxslarni yordamga chaqirishi mumkin.
Manyovrni bajarish qoidalari buzilishining xavfli oqibatlari
SHuni ta’kidlash lozimki, orqaga qayrilib olish manyovri o’ta xavfli manyovrdir. Bunda haydovchidan e’tiborni bir joyga to’plash, hushyorlik talab qilinadi. U manyovrni bajarishda ro’paradan kelayotgan transport vositalarini o’tkazib yuborishi shart. Bundan tashqari, yo’lning shunday xavfli uchastkalari borki, yo’lning bu xavfli qismlarida haydovchilar taqiqlovchi belgilarsiz qayrilib olish taqiqlangan joylarni bilishlari shart. Yo’lning shu taqiqlangan joylarida amalga oshirilgan manyovrlar yo’l-transport hodisalariga sabab bo’lishi mumkin.
E’tiborsizlik oqibatida, ogohlantiruvchi ishoralarsiz manyovr bajarayotgan haydovchi boshqa transport vositasining yo’l – transport hodisasiga sababchi bo’lsa, EKOIHning 1 yoki 2 baravari miqdorida jarima belgilanadi yoki transport vositasini boshqarish huquqidan olti oydan 1 yilgacha mahrum etiladi.