Mavzu: Yo’l belgilarining o’rnatilishi Reja: Yo’l belgilarining guruhlari

Mavzu: Transport vositalarining to’xtashi va to’xtab turishi.
Мashg’ulot rejasi:
1. To’xtash va to’xtab turish. To’xtash va to’xtab turishning qoidalari. Transport vositalarini to’xtab turish joylariga qo’yish usullari. Aholi yashaydigan joylardan tashqarida uzoq muddatga to’xtab turish.
2. To’xtash va to’xtab turish ta’qiqlangan joylar.
3. To’xtash va to’xtab turish qoidalariga amal etmaslikning xavfli oqibatlari.
Vizual materiallar.
To’xtash va to’xtab turish
To’xtash – transport vositalarining harakatini 10 daqiqadan kam vaqtga to’xtashi, ya’ni harakatsiz holatga keltirishdir. To’xtab turish – transport vositalarining unga yo’lovchilarni chiqarish yoki tushirish;
yuk ortish yoki tushirish bilan bog’liq bo’lmagan hollarda, harakatini 10 daqiqadan ko’proq vaqtga atayin to’xtatishdir. Serqatnov yo’llarda transport vositasining yo’l chekkasida to’xtashi yoki to’xtab turishi ma’lum darajada harakatlanishga to’sqinlik qiladi. SHuning uchun to’xtash va to’xtab turish yo’l harakati qoidasiga asosan ma’lum tartibda bajarilishi shart.
Transport vositalarining yo’l yoqasida to’xtashi va to’xtab turishi yo’llarning o’tkazuvchanlik xususiyatini qiyinlashtiradi. Haydovchilar shuni e’tiborga olgan holda to’xtash va to’xtab turishning xavfsiz joylarini tanlash yoki maxsus maydonchalarda to’xtash va to’xtab turishlari maqsadga muvofiqdir.
To’xtash va to’xtab turishning qoidalari
Transport vositalariga yo’lning o’ng tomonidagi yoqasida, u bo’lmaganda esa, yo’l qatnov qismining chetida to’xtash va to’xtab turishga ruxsat beriladi.
Aholi yashaydigan joylarda yo’lning chap tomonida to’xtash va to’xtab turishga har yo’nalishda bittadan harakatlanish bo’lagi bo’lgan va o’rtada tramvay izi bo’lmagan hamda harakat faqat bir tomonlama bo’lgan yo’llarda ruxsat etiladi.
Ruxsat etilgan to’la vazni 3,5 tonnadan ko’p bo’lgan yuk avtomobillari harakat bir tomonlama bo’lgan yo’llarning chap tomonida faqat yuk ortish va tushirish uchun to’xtashlari mumkin.