Mavzu: Yo’l belgilarining o’rnatilishi Reja: Yo’l belgilarining guruhlari

Harakatni boshlashdan oldin haydovchining vazifalari
Harakatni boshlashdan oldin haydovchi yo’lovchilarga avtomobilga chiqish, undan tushish va unga joylashish tartibi haqida tushuntirish berishi kerak. Yo’lovchilarning xavfsizligi haydovchi odam tashishni qanday tashkil etganligiga ko’p jihatdan bog’liq. Odam tashish uchun mo’ljallangan yuk avtomobillariga yo’lovchilarni chiqarish va tushirish, yo’l harakati xavfsizligiga asosan, transport vositasining orqa va trotuarga qaragan yon bortlari tomonidan tashkil etiladi. Haydovchi harakatni boshlashdan oldin yo’lovchilarni xavfsiz tashish sharoiti ta’minlanganligiga ishonch hosil qilishi kerak.
Bolalarni tashishda qo’yiladigan qo’shimcha talablar
Avtobuslarda yoki furgon – yukxonali yuk avtomobillarida bolalarni tashishda katta yoshli kuzatib boruvchi shaxs, bortli yuk avtomobilining kuzovida tashishda esa kamida ikki nafar katta yoshli kuzatib boruvchi shaxs bo’lishi shart. Bunday transport vositalarining oldi va orqa tomoniga "Bolalar guruhini tashish" taniqlik belgisi o’rnatilishi kerak. Ushbu talablarga qo’shimcha ravishda, bolalarni yuk avtomobillarida tashishda bort balandligi 1( bir) metrdan kam bo’lmasligi kerak. Haydovchi transport vositasi to’la to’xtagandan keyin odamlarni tushirishi va chiqarishi, eshiklar yopilgandan so’nggina harakatlanishni boshlashi va to’la to’xtamaguncha ularni ochmasligi shart.
Odamlarni tashish taqiqlangan holatlar
Odamlarni tashish quyidagi hollarda taqiqlanadi:
- avtomobilning kabinasidan tashqarida, lekin bortli yuk yoki furgon – yukxonali avtomobillarda odam tashish bundan mustasno;
- traktorlar va boshqa o’zi yurar mashinalar, yuk tashiladigan tirkamalar, tirkama – uycha, yuk mototsikllari yukxonasida;
- mototsikllarning konstruktsiyasida ko’zda tutilgan joylaridan tashqarida;
- 12 yoshga to’lmagan bolalarni mototsiklning orqa o’rindig’ida, shuningdek, yengil avtomobilga bolalarni ushlab turuvchi maxsus qurilma o’rnatilmagan bo’lsa, uning oldingi o’rindig’ida;
- 12 yoshga to’lmagan bolalarni hisobga olmaganda, transport vositasining texnik tavsifnomasida ko’zda tutilgan miqdordan ortiq.
Bunda transport vositasining haqiqiy vazni uni ishlab chiqargan korxona belgilagan ruxsat etilgan to’la vazndan ortmasligi kerak. Odamlarni tashish qoidasini buzganlik uchun haydovchi eng kam ish haqining 0,5 baravari miqdorida ma’muriy javobgarlikka tortiladi.