Mavzu: Yo’l belgilarining o’rnatilishi Reja: Yo’l belgilarining guruhlari

Mukammal haydovchida bo’lishi kerak bo’lgan sifatlar
Mukammal haydovchida bo’lishi kerak bo’lgan sifatlar, ya’ni uning kasbiy salohiyati, qobiliyatini quyidagi sifatlari bilan aniqlash mumkin:
- jismonan baquvvatligi, epchilligi;
- harakatlanish bo’yicha ko’nikmalarni oson egallashi;
- sezish a’zolarining rivojlanganlik darajasi;
- reaktsiyasining tezligi va aniqligi;
- diqqatni belgilovchi sifatlarining yuqoriligi;
- xotirasi;
- o’zini tuta bilishi va boshqalar.
Kasbiy mahorat – bu haydovchining yo’l sharoitini tez va aniq baholay olishi, uni oldindan ko’ra olishi hamda sharoitga mos ravishda avtomobilning texnik imkoniyatlaridan o’z vaqtida va to’g’ri foydalana olishidir. Haydovchining o’z kasbiga ishonchliligi unga yuborilayotgan axborotlarni idrok qilish, tahlil qilib anglab yetish qobiliyatiga bog’liq. Mukammal haydovchining o’z kasbiga ishonchi yo’ldagi ob’ektlarning, ularning yaqinlashish tezligini, harakat yo’nalishi va ulargacha bo’lgan masofani aniq va o’z vaqtida qabul qila olishiga bog’liq bo’ladi.
Avtotransport vositasini xavfsiz boshqarishda haydovchining maqsadi va uning uchun muhim bo’lgan qadriyatlar
Harakat xavfsizligini ta’minlash va avtotransport vositasini xavfsiz boshqarish – haydovchining eng asosiy maqsadidir.
Haydovchi uchun muhim bo’lgan qadriyatlar, ya’ni uning o’zi yashab turgan ijtimoiy tuzumga va bo’layotgan voqealarga dunyoqarashi, uning jamiyatga, ishlayotgan jamoasiga munosabati, ularning yashash tarzi va sharoitiga hamdardlik bilan qarashi, mehnatsevarligi, javobgarlikni his qilishi, adolatparvarligi, odob – axloq qoidalariga to’liq amal qilishi uning maqsadini amalga oshirishda muhim omildir.
Xavfsiz boshqarishning muhimligi
Har bir haydovchining eng asosiy maqsadidan biri – transport vositasini xavfsiz boshqarishdir. CHunki transport vositasini xavfsiz boshqarish – haydovchining o’zinigina emas, balki barcha yo’l harakati qatnashchilarining hayotini saqlab qoluvchi muhim omillardan biridir.
Transport vositasini boshqarishga o’tirgan haydovchiga yuksak mas’uliyat yuklanadi, chunki uning arzimas xatosi nafaqat o’ziga, balki olib ketayotgan yo’lovchilariga, barcha yo’l harakati qatnashchilarining sog’lig’i va hayotiga jiddiy xavf soladi. Uning e’tiborsizligi, mas’uliyatsizligi, qilgan xatosi kimnidir bu dunyodan bevaqt ko’z yumishiga, kimnidir nogiron bo’lib, bir umr to’shakka mixlanib qolishiga sabab bo’lishi mumkin.
Transport vositasini xavfsiz boshqarishni amalga oshirishda har bir haydovchida tajriba va mahoratning oshishi, murakkab yo’l – transport vaziyatlarida, vaqt tig’izligiga qaramay, to’g’ri yechim qabul qila olish qobiliyatining ortishi, yo’l vaziyatini oldindan bila olishi, reaktsiya vaqtining qisqarishi – muhim ahamiyatga ega.