Маvzu: Xorijiy kompaniyalarda brеnding siyosatini amalga oshirish mеxanizmi

Mavzuning dolzarbligi. Mamlakatimizning ijtimoiy yo’naltirilgan bozor iqtisodiyotiga bosqichma – bosqich o’tishga asoslangan hozirgi siyosati, korxonalar va tashkilotlar faoliyatini samarali tashkil qilish va korxonalardagi iqtisodiy munosabatlarni bozor iqtisodiyoti talablariga moslashtirish zaruriyatini keltirib chiqaradi.
Mamlakatimizda olib borilayotgan iqtisodiy islohotlar natijasida iqtisodiyotni rivojlanishini alohida ta’kidlab o’tish zarur. Bu haqida mamlakatimiz Prezidenti I.Karimov ta’kidlaganidek: “ Eksport hajmi sezilarli ravishda, ya’ni 11,6%ga o’sdi, eksport qilinayotgan mahsulotlar tarkibi va sifati yaxshilanib bormoqda. Buning natijasida xomashyo bo’lmagan tayyor tovarlarning ulushi 70% dan ziyodni tashkil etmoqda. Tashqi savdo aylanmasidagi ijobiy saldo 1 mlrd. 120 million dollardan oshdi.”¹ Bundan ko’rinib turibdiki, mamlakatimizda iqtisodiyotning barqaror o’sishi ta’minlandi, makroiqtisodiy va moliyaviy barqarorlik mustahkamlandi.
Har qanday korxona iqtisodiyotda samarali harakat qilish uchun o’zining brending siyosatini tanlab olishi lozim. Bunda korxonaning imkoniyatlari bozor talabiga muvofiqlashtirilib, marketing strategiyasi asosida bozorni tadqiq qilish va istiqbolini belgilash, tovar va iste’molchilarni hamda raqobatchilarni o’rganish asosida ishlab chiqiladi.
Muammoning o’rganilganlik darajasi. Xorijiy kompaniyalarda brending mexanizmini amalga oshirish siyosatini o’rganish masalalari bo’yicha chet el olimlaridan D.Aaker, Kumar V, Tomas Gad² va boshqalarning bar qator asarlari ushbu sohadagi tadqiqotlarga bag’ishlangan. MDH mamlakatlari iqtisodchilarining asarlarida ham marketing strategiyasini rejalashtirish muammolari o’z aksini topgan bo’lib, ulardan V.E.Demidov, P.S.Zavyalov, N.E.Kapustina, A.N.Romanov, E.A.Utkin, E.P.Golubkov, G.A.Bagiev, L.T.Danchenok, V.A,Shegorstev, G.L.Gardariki, Igor Mann va boshqalarni alohida ko’rsatish mumkin.
Bitiruv malakaviy ishining maqsadi va vazifalari. Bitiruv malakaviy ishining maqsadi xorijiy kompaniyalarning brending siyosatini o’rganish va ulardan milliy kompaniyalar faoliyatida foydalanish muammolarini tadqiq etishdan iborat.
Yuqoridagi maqsadga erishish uchun bitiruv malakaviy ishida quyidagi vazifalar hal etildi:

• 
  Brending siyosatining mohiyati va ahamiyatini ochib berish;
  
• 
  Korxonada brending mexanizmini rolini asoslash
  
• 
  Raqobat sharoitida kompaniyada brendingmexanizmining ahamiyati va siyosatini baholash uslublarini nazariy jihatdan yoritish;
  
• 
  “Alutex”QK faoliyatiga tashkiliy iqtisodiy tavsifnoma berish;
  
• 
  “Alutex” QKning marketing faoliyatini tahlil etish;
  
• 
  “Alutex” QKning raqobatbardoshligini tahliletish;
  
• 
  “Alutex” QKsi brendini yaratish yo’llarini o’rganish.