Mavzu: Xalqaro marshrutlar bo’yicha Butunjaxon turistik tashkilotining tavsiyanomalari

Termiz davlat universiteti Iqtisodiyot va turizm fakulteti Turizm ta’lim yo’nalishi 218-guruh talabasi Abdullayev Ma’rufbekning
Turizmda xaritalashtirish va turistik mashrutlarni ishlab chiqish fanidan tayyorlagan
KURS ISHI
Mavzu: Doimiy, mavsumiy, mahalliy, xalqaro marshrutlar.


Bajaruvchi: M.Abdullayev
Qabul qiluvchi: _____________.


Termiz-2022


Reja:
KIRISH …………………………………………………………………3-4
ASOSIY QISM
1. Marshrutlar haqida tushuncha. ……………………………………….5-10
2. Doimiy, mavsumiy, mahalliy, xalqaro marshrutlarning turistlar uchun tutgan o’rni. …………………………………………………………………..11-21
3. Doimiy, mavsumiy, mahalliy, xalqaro mashrutlarning bahosi……….22-34
4. Mashrutlarda hayot xavsizligini ta’minlash…………………………..35-39
XULOSA………………………………………………………………..40-41
ADABIYOTLAR RO’YHATI…………………………………………42-43
KIRISH
Mavzuning dolzarbligi: Turizm o‘zining ko‘p qirrali tarkibi bilan jamiyat hayotining barcha sohalariga faol ta’sir o‘tkazib kelmoqda. 2019-yil 13-avgust kuni O‘zbekiston Respublikasida turizm sohasini yanada rivojlantirish chora-tadbirlari to‘g‘risidagi prezident farmoni qabul qilindi. Farmonga muvofiq 2020-yil 1-yanvardan: turizm faoliyati sub’ektlari va aviatashuvchilarning xorijiy mamlakatlardan O‘zbekistonga charter reyslarini tashkil qilish bo‘yicha xarajatlarining bir qismi har bir xorijiy turist uchun, u respublika hududida kamida besh kecha tunab qolgan taqdirda, 20 AQSH dollari, qish mavsumida (20 noyabrdan 20 fevralgacha) esa 50 AQSH dollari miqdorida qoplab beriladi;¹
xorijiy kinokompaniyalarning O‘zbekiston hududida audiovizual mahsulotlar (kino, tele va videofilm, klip, multfilm, animelar) yaratishdagi xarajatlarining bir qismi («rebate») bitta mahsulot uchun 300 ming AQSH dollaridan oshmagan miqdorda qoplab beriladi;
O‘zbekistonning tarixiy va afsonaviy shaxslari to‘g‘risidagi to‘liq metrajli badiiy, qisqa metrajli badiiy, xronikal hujjatli filmlarni suratga olish uchun 3 milliard so‘mdan oshmagan miqdorda grantlar ajratiladi;
tadbirkorlik sub’ektlarining respublika hududlarida (Toshkent shahridan tashqari) chet el taomlariga yoki alohida yo‘nalishga ixtisoslashtirilgan mavzuli ovqatlanish shoxobchalarini, shuningdek, «karaoke» zallari va turistik qo‘ngilochar muassasalarni tashkil etish xarajatlarining bir qismi har bir loyiha uchun 10 million so‘m miqdorida qoplanadi;
tasdiqlanadigan ro‘yxat bo‘yicha moddiy madaniy meros ob’ektlari hududlariga 5 tonnadan yuqori vaznga ega katta hajmli avtotransport vositalarining kirishiga cheklov qo‘yiladi;
YUNESKO ro‘yxatiga kiritilgan madaniy meros ob’ektlari va davlat muhofazasiga olingan yodgorliklar hududida faqat O‘zbekistonda ishlab chiqarilgan suvenir mahsulotlari sotiladi.²
Muammoning o’rganilganlik darajasi:U iqtisodiyotning ko‘pgina jabhalarini rivojlantirishga imkon tug‘diradi. Jumladan, transport tarmoqlari, aloqa, yo‘l qurilishi, mehmonxonalar, umumiy ovqatlanish korxonalari, kammunal xo‘jaligi, maishiy xizmat ko‘rsatish, servis sohasi, savdo tarmoqlari va h.k. Turizmni rivojlantirish bir vaqtning o‘zida o‘ziga xos dam olish, hordiq chiqarish, ko‘ngil ochar maskanlar industriyasini tashkil etib, o‘z o‘rnida sayyohlarga sifatli xizmat ko‘rsatish bilan bog‘liq bir qator sohalarni qamrab olgandir.
Tadqiqot predmeti: Turizm o‘zida jahon iqtisodiyotining murakkab va majmuaviy sohalarini mujassam etganki, bu butun jahon xo‘jaligiga sezilarli ta’sir o‘tkazadi. Alohida mamlakatlar xo‘jaligiga ham, xududlarga ham u birday tegishli.
Tadqiqot obyekti: Ayrim mamlakatlarda xalqaro turizm valyuta tushumlarining yagona manbai hisoblanadi. Uning sharofati bilan iqtisodiy taraqqiyot yuqori darajasi va xalq turmush farovonligi qo‘llab–quvvatlanib turiladi. Xalqaro turizm jahon iqtisodiyotining eng muhim, barqaror va dinamik holda rivojlanib borayotgan sohasiga aylanib bormoqda. BTT ma’lumotlariga ko‘ra, 2016-yilda butun dunyo bo‘yicha turizmning umumiy o‘sish darajasi 4,5 % ni tashkil qilgan. Xalqaro turistlarning kelishi esa 820 mln. (2016 y.) kishiga yetib, keluvchi turistlardan olinadigan umumiy daromadlar miqdori 650 mlrd. dollardan ortdi. Xalqaro turistik xizmatlar ko‘rsatish va servis sohasi tarkibi ham tubdan o‘zgardi. Jahon turizm bozori borgan sari xilma-xillashib, aholining ijtimoiy sohasida turistik mahsulotlarga bo‘lgan talabi va ehtiyoji ortib bormoqda.