Мавзу: Тизим тушунчаси ва унинг турли таърифлари

Маъруза 1

Мавзу: Тизим тушунчаси ва унинг турли таърифлари

Режа

1. 
   Умумий тушунчаларва ахборот тизими тушунчаси
   
2. 
   АТ компонентлари.
   
3. 
   Ахборот тизимининг ривожланиш босқичлари
   
4. 
   Автоматлаштирилган ахборот тизимлари
   

Калит сўзлар
Тизим,ахборот тизими, ташкиллаштириш, хисобга олиш, бошкарув ва хужжат алмашинуви


1.1. Ахборот тизими тушунчаси

«Тизим» деганда бир вақтнинг ўзида ҳам ягона яхлит деб қараладиган ҳар қандай объект, ҳам қўйилган мақсадларга эришиш манфаатларида бирлаштирилган турли элементлар мажмуи тушунилади.

Маълумки, бугунги кунда кўплаб турли хил тизимлар яратилган бўлиб, улар ўз таркиби ва бош мақсадлари бўйича бир-биридан фарқланади. Масалан, қуйидаги жадвалда бир неча тизимларга намуналар келтирилган.
1.1-жадвал

Тизим	Тизим элементлари	Тизимнинг бош мақсади
Фирма	Одамлар, жиҳозлар, материаллар, бинолар ва бошқалар	Товарлар ишлаб чиқариш
Компьютер	Электрон ва электр механик элементлар, алоқа линиялари ва бошқалар	Маълумотларга ишлов бериш
Телекоммуникация тизими	Компьютерлар, модемлар, кабеллар, тармоқ дастурий таъминоти ва бошқалар	Ахборот узатиш
Ахборот тизими	Компьютерлар, компьютер тармоқлари, одамлар, ахборот ва дастурий таъминот	Профессионал ахборот ишлаб чиқариш

«Тизим» тушунчаси кенг тарқалган ва жуда кўплаб маъноларда қўлланилади. Ахборот тизимларига нисбатан қўлланилганда аксарият ҳолларда техник воситалар ва дастурлар тўплами назарда тутилади. Компьютернинг фақат аппарат қисмини тизим деб аташ мумкин. Муайян амалий вазифаларни бажариш учун ҳужжатларни юритиш ва ҳисоб-китобларни бошқариш жараѐнлари билан тўлдирилган кўплаб дастурларни ҳам тизим деб ҳисоблаш мумкин.