Mavzu tilshunoslik maktablari

---

 

3-MAVZU 

 

TILSHUNOSLIK MAKTABLARI 

 

 

Yosh  grammatikachilar  maktabi.  XIX  asr  qiyosiy-tarixiy  tilshunoslik  doirasidagi 

empirik tadqiqot ishlari va til falsafasi taraqqiyotini ayrim mualliflar uch davrga bo„ladilar: 

1.  Qiyosiy-tarixiy  tilshunoslikning  boshlang„ich  davri.  Bu  davrga  F.Bopp,  YA.Grimm, 

R.Rask singari olimlarning tadqiqotlari mansubdir. V.Gumboldtning til falsafasi qisman ana shu 

davrga muvofiq keladi.  

2.  Ikkinchi  davr  qiyosiy-tarixiy  tilshunoslikning  to„liq  qaror  topgan  davri  sanaladi. 

A.SHleyxer  bu  davrning  yirik  figurasidir.  A.SHleyxer  qarashlarining  falsafiy  asosi  naturalizm 

hisoblanadi. 

3.  Qiyosiy-tarixiy  tilshunoslikning  uchinchi  davri  yosh  grammatikachilar  yo„nalishidir. 

Bu yo„nalishning falsafiy asosi psixologizm sanaladi. 

Tilshunoslik  tarixida  yosh  grammatikachilarning  maydonga  kelishi  lingvistika  fani 

taraqqiyotining  ichki  ehtiyoji,  XIX  asrning  60-yillarida  komparativistika  kirib  qolgan  boshi 

berk ko„chadan chiqish yo„llarini axtarish zaruriyati tufayli maydonga keldi. 

XIX  asrning  70-80-yillarida  Germaniyada  qiyosiy-tarixiy  tilshunoslikning  F.Bopp, 

YA,Grimm,  A.SHleyxer  singari  vakillari  qarashlarini  keskin  tanqid  qilgan  holda  yangi 

yo„nalish kurtak ota boshladi. 

Eski  avlodning  ilmiy  merosiga  keskin  tanqidiy  munosabatda  bo„lganligini  e‟tiborga 

olib,  tilshunoslikning  yangi  bosqichi  vakillarini  keksa  avlod  vakillari  masxaraomuz  “yosh 

grammatikachi”lar deb nomladilar. YOsh avlod esa buni o„zlarining yo„nalishiga asosiy nom 

qilib oldilar. 

YOsh  grammatikachilar  yo„nalishining  shakllanishi  K.Brugman  (1849-1919), 

G.Ostxaf (1847-1909), G.Paul (1846-1921), B.Delbryuk (1842-1922), A.Leskin (1840-1916) 

singari Leypsig universiteti olimlari nomi bilan bog„liqdir. SHuning uchun ham bu yo„nalish 

tilshunoslikning Leypsig maktabi deb ham nomlanadi. 

Germaniyadagi barcha tilshunoslar ham bu yo„nalish qarashlariga bir xil munosabatda 

bo„lgan  emas.  Bu  davrda  Germaniyada  yosh  grammatikachilar  yo„nalishlaridan  tashqari  bir 

qancha lingvistik yo„nalishlar faoliyat ko„rsatishdi. SHuning uchun ham Germaniyada hukm 

surgan  bu  davr  tilshunoslik  yo„nalishlarini  e‟tiborga  olgan  holda  akad.  I.V.YAgich  bu 

mamlakatda nechta universitet bo„lsa, shuncha lingvistik maktablar mavjud ekanligini yozgan 

edi. 

Lekin  keyinchalik  Germaniyadagi  boshqa  lingvistik  maktab  vakillari  ham  yosh 

grammatikachilar maktabi tomoniga o„tdilar. SHu  bilan birga bu maktab qarashlari bir qator 

Ovro„pa tilshunoslariga ham ta‟sir qildi. 

YOsh grammatikachilarning o„ziga xos xususiyatlari nima edi? degan qonuniy savol 

tug„ilishi, tabiiy. 

YOsh  grammatikachilar  qarashlarining  nazariy  umumlashmalarini  G.  Paulning  “Til 

tarixi tamoyillari” asarida bayon qilingan. 

YOsh  grammatikachilar  qarashlarining  asosiy  nuqtalari  sifatida  quyidagilarni  ko„rsatish 

mumkin: 

---

1.  Qiyosiy-tarixiy  tilshunoslikning  eng  katta  kamchiligi  shundan  iboratki,  ular 

tillarni  qiyoslab  o„rganishga,  bobo  til  shakllarini  hayolan  tiklashga  asosiy  e‟tiborni 

qaratdilar,  lekin  so„zlovchi  shaxsning  o„zi  nazardan  chetda  qoldi.  So„zlovchi  shaxsning 

nutqiy  faoliyat  mexanizmi,  psixologiyasi,  tilning  ichki  taraqqiyoti  singari  masalalarga 

e‟tibor qaratilmadi. 

Qiyosiy-tarixiy  tilshunoslikning  ana  shu  yo„l  qo„ygan  kamchiliklarini  e‟tiborga 

olgan  holda  Brugman  va  Ostxaflar,  eng  avvalo,  lingvistikaning  tadqiqot  ob‟ektini 

o„zgartirishni  maslahat  beradilar.  Ularning  fikricha,  tillarni  qiyosiy  o„rganayotgan  olim 

ularning  bobo  til  holatini  tiklashga  emas,  balki  hozirgi  holatini  tadqiq  etishga  asosiy 

e‟tiborni qaratishi kerak. 

2. Natijada yosh grammatikachilar tilni organizmning psixofizilogik faoliyati sifati 

talqin  etdilar.  Bunday  talqin  tilshunoslik  metodologiyasining  o„zgarishiga  olib  keldi. 

ya‟ni  tilni  o„rganishning  yangi  tamoyili  eski  yozma  yodgorliklar  tilini  emas,  balki 

so„zlashayotgan  kishilar  nutqini  o„rganish  va  til  tarixi  tahlili  davomida  fonetik 

qonuniyatlar va analogiyalarni e‟tiborga olish lozim, deb hisobladilar. 

3.    Tilshunoslikda  tadqiqot  ob‟ektining  o„zgarishi  nazariy  asosning  o„zgarishiga 

olib  keldi.  Ularning  metodologik  tamoyilida  til  faqat  o„zi  uchun  yashaydigan  insondan 

tashqaridagi,  uning  ustida  turuvchi  narsa  emas,  balki  faqat  individda  mavjuddir  degan 

g„oya bosh g„oyaga aylandi. SHuning uchun tildagi har qanday o„zgarish faqat so„zlovchi 

shaxs bilan bog„liq deb hisobladilar. 

XIX  asrning  80-yillaridan  boshlab  alohida  lingvistik  oqim  sifatida  e‟tirof  etilgan  va 

50-yillar  atrofida  katta  ilmiy  kuch  sifatida  faoliyat  ko„rsatgan  yosh  grammatikachilar 

tilshunoslik tarixida ilmiy  maxsulotlarining ko„pligi,  ilmiy tekshirish metodining etukligi  va 

til amaliyotiga ta‟sirining kuchliligi jihatidan XIX asr va XX asr boshlarida mavjud bo„lgan 

lingvistik oqimlar ichida tengi yo„q oqim sanaladi.

1

  

4.  YOsh  grammatikachilar  bir  qancha  tillar  misolida  juda  katta  faktik  materiallarni 

to„plab, sistemalashtirib berdilar. Bu bilan tilshunoslikning  amaliy tomonini rivojlantirishga, 

yangi-yangi  lingvistik  yo„nalishlarning  maydonga  kelishiga  zamin  hozirladi.  Natijada 

tilshunoslikda  dialektologiya,  lingvistik  geografiya  yo„nalishlari  vujudga  keldi.  Ularning 

faoliyati  tufayli  fonetika  sohasida,  xususan,  eksperimental  fonetika  sohasida  va  fonetik 

qonuniyatlar yuzasidan katta muvaffaqiyatlarga erishildi. 

5. YOsh grammatikachilar tilshunoslikning bevosita o„rganish ob‟ekti nutqiy jarayon, 

individual  nutq  ekanligini  e‟tirof  etganliklari  tufayli,  u  bilan  bog„liq  bo„lgan  qator 

masalalarni, xususan, nutqiy jarayonda individuallik-sotsiallik munosabatini, individual nutq, 

me‟yor va til tuzilishi masalalarini ko„tarib chiqdilar. 

SHunday bo„lishiga qaramasdan, ularning qarashlaridagi bir qator masalalar bahstalab 

va etarli ilmiy asosini topmagan edi. 

Ular  moddiy  tomondan  faqat  alohida  individlar  tiligina  mavjuddir,  degan  g„oyani 

o„zlariga  metodologik  tamoyil  qilib  olish  bilan  individual  psixologiyani  tilshunoslikning 

nazariy  asosi  sifatida  e‟tirof  etdilar.  Natijada  ilmiy  abstraksiyaga,  til  ontologiyasining  ilmiy 

talqiniga e‟tibor berilmadi. 

Til  birliklarining  o„zaro  munosabati,  tilning  funksionallashuvida  ekstralingvistik 

omillarning  ahamiyati:  tillarning  o„zaro  ta‟siri,  dialektlarning  o„zaro  munosabati,  yozuv 

an‟anasining ta‟siri kabi masalalar yosh grammatikachilar nazaridan chetda qoldi. 

                                              

1

 Амирова Т.А., Ольховиков Б.А., Рождественский Ю.В. Очерки по истории лингвистики. –М., 1975. с.416. 

---

YOsh grammatikachilar o„z nazariyasining induktiv xarakterini doimo ta‟kidlaganlari 

holda,  til  nazariyasi  bilan  bog„liq  bo„lgan  qator  muammolarni  muhokama  qilishni,  tilning 

falsafiy masalalari bilan shug„ullanishni ortiqcha deb bildilar. 

XIX  asrning  o„rtalarida  tabiiy  fanlarda  qo„lga  kiritilgan  yutuqlar  barcha  fanlarning 

tadqiqot  metodologiyasiga  katta  ta‟sir  qildi.  Turli  fan  tarmoqlarida  matematik  amallardan 

keng  foydalanishga  o„tildi.  Bevosita  kuzatishda  berilgan  hodisalarni  faqat  ro„yxatga  olish 

bilangina  cheklanmasdan,  ularni  umumlashtirishga,  ular  zamirida  yotgan  mohiyatlarni 

aniqlashga o„tish harakati tufayli deduktiv tamoyil o„rin ola boshladi.  

Tilni  o„rganishning  bunday  yangi  tamoyilining  asosiy  belgilari  Boduen  de  Kurtene 

asarlarida namoyon bo„ldi. 

Natijada  sof  empirik,  induktiv  tamoyil  bilan  ish  ko„ruvchi  yosh  grammatikachilar 

qarashlari bir qator olimlar tomonidan tanqidiy baholana boshladi. Ana shunday  yoshlarning 

eng ko„zga ko„ringan vakillaridan biri Ivan Aleksandrovich Boduen de Kurtenedir. 

YOsh  grammatikachilarga  xos  bo„lgan  til  hodisalarini  avtonom  holda  analitik 

o„rganish o„rniga ular o„rtasidagi munosabatni o„rganishga ko„proq e‟tibor qaratila boshlandi.