Mavzu: Tarmoqlangan topologiyali tarmoqni qurish va uning ishlashini tekshirish. Laboratoriya majg’ulotini maqsadi

Mavzu: Tarmoqlangan topologiyali tarmoqni qurish va uning ishlashini tekshirish.

Laboratoriya majg’ulotini maqsadi: Turli qurilmalardan foydalanib tarmoqlangan tarmoqning tuzilishi va sozlanishi bo‘yicha ko‘nikma hosil qilish. Uning ishlash printsipini o‘rganish.

Mashg’ulotini bajarilish tartibi

1. 
   Boshlang‘ich ma’lumotlarni olish.
   
2. 
   Mavzu bо‘yicha nazariy va umumiy ma’lumotlar bilan tanishish.
   
3. 
   Berilgan ma’lumotlarni kompyuterga kiritish.
   
4. 
   Xisob ishlarini bajarish.
   
5. 
   Tegishli xulosa chiqarish.
   

Kerakli jihozlar

1. 
   Kompyuter.
   
2. 
   Cisco Packet Tracer dasturi.
   

Umumiy ma’lumotlar

Protokol – ma’lumotlarni uzatishda funksional bloklarning holatini aniqlovchi standartdir.

Protokol bitta sathda joylashgan funksional bloklarning o‘zaro harakat qoidalari to‘plami hisoblanadi. Odatda protokol quyidagilarni tavsiflaydi:

• 
  xabarlar sintaksisi, ma’lumotlarni jo‘natishda ularni identifikatsiyalovchi mavjud usuli. Masalan, ma’lumotlar elementi va yuborilishi kerak bo‘lgan manzilni aks ettiruvchi tartib;
  

• 
  uzatiluvchi axborot interpritatsiyasini ta'minlash imkonini beruvchi ma'lumotlar elementining nomi;
  

• 
  boshqarish va holat operatsiyalari.
  

Ma’lumotlarni uzatish bilan bog‘liq bo‘lgan ishlash fazalarining dinamik moslashuviga keladi. Tarmoqda rad etishlarning paydo bo‘lishi xodisalari uchun bu holatdan chiqish tartibi ko‘rilgan.

Ochiq tizimlarning o‘zaro aloqa bazaviy etalon modeli. Ochiq tizimlarning o‘zaro aloqa (OTO‘A) sohasining 7 ta sathini aniqlaydi. Unga mos ravishda protokollarning 7 ta guruhi kiritiladi. Ular sathlar kabi nomlanadi. Protokollar bir-birining ustida joylashib shtabelni hosil qiladi. Tizimga qo‘yilayotgan vazifadan kelib chiqib, uning shtabeli tarkibi hamma sathlarni yoki ularning ayrimlarini o‘z ichiga olishi mumkin. Shunday qilib, abonent tizimi 7 sathdan iborat bo‘lgan shtabel bilan, aniqlanadi, kommutatsiyalash maqsadi uchun retranslyatsion tizimi esa ko‘pincha ikki-uch sathdan iborat shtabelga ega bo‘ladi.

Tarmoqning har bir sathida bir yoki bir nechta bir-biridan mustaqil bo‘lgan protokollar ishlashi mumkin. N-sathning har bir protokoli tarmoqning turli tizimlarida joylashgan shu sathdagi ob'yektlarning o‘zaro ishlashini ta'minlaydi.

Istalgan protokol boshqa protokollarning mavjudligini bilmaydi. Lekin, u pastki qo‘shni sathda joylashgan protokoldan servis (xizmat) oladi. Servisga kirish nuqtasi orqali o‘zaro ta'sirning abstrakt tavsifi primitiv deb nomlanadi. Bazaviy etalon modelda primitivning 4 ta toifasi aniqlangan: so‘rov, belgi, javob va tasdiqlash.