Mavzu: Tarmoq texnologiyalari

IEEE 802.5 – LAN TokenRing
IEEE 802.5 – LANTokenRing standartidagi tarmoq IBM tomonidan yaratilgan. Qurish uchun koaksial kabel, mis juftlik, TOAL ishlatiladi. Ma’lumotlarni uzatish tezligi – 4 Mbit/s, 16 Mbit/s. Tarmoq tuzilishi sifatida marker uzatishli bir yo’nalishli fizik xalqa taqdim etiladi, xalqaning maksimal uzunligi deyarli chegaralanmagan, qo’shni stantsiyalar orasidagi maksimal masofa 2 km ni tashkil etadi.
Belgilab o’tish joizki, fizik xalqa alohida tugunining yoki kabel segmentining shikastlanishi signallarning ketma-ketlik yo’lini va butun tarmoqni buzadi.
Ma’lumotlarni uzatish uchun kanal sathida «marker» va «informatsion kadr» turdagi kadrlar ishlatiladi. Markerli xalqa prioritetlar asosida quriladi. Tarmoqga ulanishni ta’minlash uchun marker ishlatiladi.Marker xar bir stantsiyadan o’tib, xalqa bo’ylab uzluksiz tsirkulyatsiyalaydi (2.7-rasm) va tarkibida indikator mavjud, indikator xalqa bo’sh yoki bandligini ko’rsatadi. Agar stantsiya ma’lumotlarni uzatishni istasa va marker bo’sh bo’lsa, u xalqani egallab, ma’lumotlarni qo’shib, markerni informatsion kadr boshiga o’zgartiradi va kadrni xalqa bo’ylab keyingi stantsiyaga jo’natadi. Har bir stantsiya qabul qilingan markerni tahlil etadi. Agar marker band bo’lsa, qabul qiluvchi stantsiya uni regeneratsiyalaydi va keyingi stantsiyaga uzatadi. Agar qabul qilingan ma’lumotlar ushbu stantsiyaga mansub bo’lsa, u xolda ular nusxalanadi va amaliy sathlarga jo’natiladi. Kadr uni uzatishni amalga oshirgan boshlang’ich stantsiyaga qaytgandan so’ng, marker initsializatsiyalanadi (boshlang’ich ko’rinishda qayta tiklanadi) va yana xalqaga uzatiladi.

2.7-rasm. TokenRing da ma’lumotlarni uzatish.

Ushbu standart 50 km gacha uzunlikdagi xalqali tarmoqni qurish imkonini beradi, biroq bu tarmoqlar ma’lumotlarni uzatishning past tezlikligi va ishonchliligining pastligi bilan xarakterlanadi.
TokenRing ning rivojlanish istiqbollari bo’lib WAN uchun 100 Mbit/s uzatish tezlikli ikki yo’nalishli yuqori ishonchlikli FDDI tarmog’ini qurish hisoblanadi.