Мавзу: Тарбиячининг иш ҳужжатлари. Мактабгача таълим муассасаларида таълим-тарбия жараёнини режалаштириш (2соат)

Мавзу: Тарбиячининг иш ҳужжатлари. Мактабгача таълим муассасаларида таълим-тарбия жараёнини режалаштириш (2соат).


Ишнинг мақсади: Мактабгача таълим муассасаларда таълим- тарбия жараёнини режалаштириш бўйича методик кўрсатмалар:тарбиячиларнинг иш ҳужжатлари ва уларнинг юритилиши,ҳар бир ёш гуруҳида ҳафта давомида ўтказиладиган машғулотлар сони ва ҳар бир машғулот қанча давом этиши, бир хафталик режанинг ёритилиши, фаолият марказларида ишлашни режалаштириш, мактабгача ёшдаги болаларнинг ривожланиш харитаси
тахлилини белгилаш тартиби, болаларнинг ривожланиш кўрсаткичларини таҳлил қилиш усулларини ёритиб бериш.
Мактабгача таълим муассасасида болаларни билим даражасини кўтариш учун аввало педагоглар касб салоҳиятини ошириш, таълим жараёни мазмуни ва сифатини такомиллаштириш, ота-оналар ўртасида тарғибот-ташвиқот ишларини жонлантириш зарур. Мактабгача ёшданоқ болаларда тегишли ҳажмда билим, кўникма, малакалари ҳосил қилинади.


2018 йил 7 июлдаги “Мактабгача таълим муассасалари ва умумий ўрта таълим мактаблари ходимларининг иш ҳужжатларини юритиш тўғрисида”ги 183-сонли буйруқлари асосида тарбиячилар томонидан юритиладиган оптималлаштирилган иш ҳужжатлари белгилаб берилди.


05-01 илк ва мактабгача ёшдаги болалар ривожланишига қўйиладиган Давлат талаблари ва “Илк қадам” давлат ўқув дастури
05-02 Болаларни қайд этиш дафтари (Табель, фильтр, патронаж ва ота-

оналар ҳақида маълумот)

Табель юритиш тартиби

• 
  ҳар куни
  

• 
  болалар қатновини соат 9.00 дан кечиктирмасдан белгилаб борилади
  

• 
  ҳар кунги келган болаларнинг умумий сони чиқариб қўйилади.
  

• 
  ой якунида
  

• 
  ҳар бир боланинг келган кунларининг умумий сони чиқарилади. Барча болаларнинг келган кунлари умумлаштирилиб, болалар кунининг бажарилиши аниқланади.
  

Бунда бола куни бажарилмаган кунлар ва бажарилмаслик сабаблари таҳлил этилади.

• 
  болалар қатнови умумий таҳлил этилади:
  

• 
  рўйхат бўйича болалар сони,
  

• 
  ушбу ой давомида келган ва умуман келмаган болаларнинг аниқ сони ёзилади.
  

Болалар куни неча кунни ташкил этди ва бажарилмаган кунлардан нечта сабабли ва нечта сабабсиз кунлар мавжудлиги таҳлили ёзилади.