Mavzu: Ta’lim jarayonini loyihalashtirish. Innovatsion pedagogic muhitni tashkil etish vositalari. Innovatsion pedagogik jarayonni loyihalashtirishning ilmiy metodik asoslari. Reja

MAVZU: Ta’lim jarayonini loyihalashtirish. Innovatsion pedagogic muhitni tashkil etish vositalari. Innovatsion pedagogik jarayonni loyihalashtirishning ilmiy metodik asoslari.

REJA:

1. Ta’lim jarayonida interfaol metodlar

2. Shaxsga yo’naltirilgan o’qitish texnologiyalari

3. Ishbilarmonlik o’yinlar texnologiyasi

4.Xulosa

5.Foydalanilgan internet saytlar.

Zamonaviy ta’limni tashkil etishga qo’yiladigan muhim talablardan biri ortiqcha ruhiy va jismoniy kuch sarf etmay, qisqa vaq ichida yuksak natijalarga erishishdir. Qisqa vaqt orasida muayyan nazariy bilimlarni o’quvchilarga yetkazib berish, ularda ma’lum faoliyat yuzasidan ko’nikma va malakalarni hosil qilish, shuningdek, o’quvchilar foliyatini nazorat qilish, ular tomonidan egallangan bilim, ko’nikma hamda malakalar darajasini baholash o’qituvchidan yuksak pedagogik mahorat hamda ta’lim jarayoniga nisbatdan yangicha yondashuvni talab etadi.

Bugungi kunda bir qator rivojlangan mamlakatlarda bu borada katta tajriba to’plangan bo’lib, ushbu tajriba asoslarini tashkil etuvchi metodlar iinterfaol metodlar nomi bilan yuritilmoqda. Quyida ta’lim amaliyotida foydalanilayotgan interfaol metodlardan bir nechtasining mohiyati va ulardan foydalanish borasida so’z yuritamiz.

«Fikriy hujum» («Mozgovaya ataka») metodi. Mazkur metod o’quvchilarning mashg’ulotlar jarayonidagi faolliklarini ta’minlash, ularni erkin fikr yuritishga rag’batlantirish hamda bir fikrlash inersiyasidan ozod etish, muayyan mavzu yuzaidan rang-barang g’oyalarni to’plash, shuningdek, ijodiy vazifalarni hal etish yechish jarayoning dastlabki bosqichida paydo bo’lgan fikrlarni yengishga o’rgatish uchun xizmat qiladi. «Fikriy hujum» metodi A.F.Osborn tomonidan ta’vsiya etilgan bo’lib, uning asosiy tamoyili va sharti mashg’ulot (bahs)ning har bir ishtrokchisi tomonidan o’rtaga tashlanayotgan fikrga

nisbatan tanqidni mutlaqo ta’qiqlash, har qanday luqma va hazil- mutoyibalarni rag’batlantirishdan iboratdir. Bundan ko’zlangan maqsad o’quvchilarning mashg’ulot (bahs) jarayonidagi erkin ishtirokini ta’minlashdir. Ta’lim jarayonida ushbu metoddan samarali va muvaffaqiyatli foydalanish o’qituvchining pedagogik mahorati va tafakkur ko’lamining kengligiga bog’liq bo’ladi. «Fikriy hujum» metodidan foydalanish chog’ida o’quvchilarning soni 15 nafardan oshmasligi maqsadga muvofiqdir. Ushbu metodga asoslangan mashg’ulot bir soatga qadar tashkil etilishi mumkin.