Mavzu: Surxon raqs maktabi shakillanishi, ijro uslubi va merosiy raqslari

Mavzu: Surxon raqs maktabi shakillanishi, ijro uslubi va merosiy raqslari

Reja;

1.Surxon raqslar shakillanishi.
2.Surxon ijro uslubi va meroslari.
3.Surxon raqs maktabi.

1.Surxon raqslar shakillanishi.

Mustaqillik yillarida mamlakatimizda madaniyat va san’at sohasini rivojlantirish, jahon miqyosidagi ilg‘or tajribalar asosida zamonaviy madaniyat va san’at muassasalari barpo etish, ularning moddiy-texnik bazasini mustahkamlash, ijodkor ziyolilarni har tomonlama qo‘llab-quvvatlash masalalariga davlatimiz tomonidan ustuvor ahamiyat qaratilib kelinmoqda. Bu kabi amaliy ishlar ayni paytda ham davom ettirilmoqda. Xususan, O’zbekiston Respublikasi Prezidentining 2017-yil 15-fevraldagi “Madaniyat va sport sohasida boshqaruv tizimini yanada takomillashtirish chora-tadbirlari to‘g‘risida”gi PF-4956-sonli farmoni2 4-bandiga asosan «O‘zbeknavo» estrada birlashmasi va «O‘zbekraqs» milliy raqs birlashmasi negizida «O‘zbekkonsert» davlat muassasasi tashkil etilib, muassasa tarkibida yangi bo‘lim – Raqs va xoreografiya san’ati faoliyatini rivojlantirish va tashkil etish bo‘limi faoliyati yo‘lga qo‘yildi. Shu bilan bir qatorda 2017-yil 22-sentyabrda O‘zbekiston Respublikasi Madaniyat vaziriligi “O‘zbekkonsert” davlat muassasasi tomonidan “Milliy raqs san’atining rivojlanish tarixi, dolzarb muammolari va zamonaviy konsepsiyalari” mavzusidagi ilmiy-amaliy konferensiya, hamda 2018-yil 26- yanvarda “Buxoro jilolari” deb nomlangan raqs tanlovi o’tkazildi. Bu o’zbek milliy raqs san’atining kelajakda yanada rivoj topishi uchun berilgan katta imkoniyatlardan biridir. O'zbekistonning janubida joylashgan Surxon vohasi qadim-qadimdan insoniyatning beshigi bo'lgan hududlaridan biri ekanligi Boysun tumani Machay qishloqidagi tosh asriga mansub neandertal odamlarning qarorgohi hisoblangan Teshiktosh kamaridan topilgan ushbu noyob topilma o'z isbotini bergan.



2.Surxon ijro uslubi va meroslari.

Har bir tarixiy jarayon xalqning turmushi va madaniyatida o'z izini qoldirdi. Surxon diyori qadimiy Buyuk Ipak Yo'lining Shimolni Janub bilan, Sharqni G’arb bilan bog’lab turgan serqatnov bekat bo'lgani uchun bu hududda yashagan xalqlar qo'shni davlatlar, qo'shni xalqlar bilan doimiy aloqada bo'lib keldi. Natijada, Surxon vohasida o'ziga xos madaniyat paydo bo'ldi. San'atshunos olima L. Avdeeva o'zining “O'zbek milliy raqsi tarixidan” nomli kitobida “Raqs zamon va makonda mavjud san'at bo'lib, bunda badiiy obraz inson gavdasining ritmik uyushgan tasviriy va ifodali qarakatlari bilan yaratildi”, deb yozadi. Raqs faqat bir millatga xos san'at emas. Balki umumiinsoniy badiiy ijodning maqsuli bo'lib dunyoning barcha millatlariga xos san'at turidir.

Har bir raqs inson ma'naviyatining bir qirrasini ochadi. O'zbek milliy raqslari xalqning turmushi, tabiati, makoni, ramziy marosimlari, xalq qayotining o'zidan tug’ilgan va shu xalqning hayotini tasvirlab kelgan. Shuning uchun qam raqs san'ati xalqimiz hayotining madaniyat va ma'rifatining bir bo'lagi sifatida yashab kelmoqda. Bu jarayonlarni Surxondaryo raqslarida ham ko'rish mumkin.