Мавзу: стандартлаштиришнинг қонуний асослари, мақсад ва вазифалари, тамойиллари

Абу Райхон Беруний номидаги ТОШКЕНТ ДАВЛАТ ТЕХНИКА УНИВЕРСИТЕТИ “ЭЛЕКТРОНИКА ВА АВТОМАТИКА” ФАКУЛЬТЕТИ "Метрология, стандартлаштириш ва сертификатлаштириш" кафедраси

Мавзу: СТАНДАРТЛАШТИРИШНИНГ ҚОНУНИЙ АСОСЛАРИ,
МАҚСАД ВА ВАЗИФАЛАРИ, ТАМОЙИЛЛАРИ

СТАНДАРТЛАШТИРИШНИНГ ҚОНУНИЙ АСОСЛАРИ, МАҚСАД ВА ВАЗИФАЛАРИ, ТАМОЙИЛЛАРИ

• Режа
• 1. Ўзбекистон Республикасида стандартлаштиришнинг қонуний асослари
• 2. Стандартлаштиришнинг асосий тушунча, мақсад ва вазифалари
• 3. Стандартлаштиришнинг асосий тамойиллари

Стандартлаштиришнинг асосий тушунчалари

• Стандарт бу кўпчилик манфаатдор томонлар консенсуси (келишуви) асосида ишлаб чиқилган, маълум соҳаларда оптимал тартиблаштиришга йўналтирилган фаолиятнинг ҳар xил турига ёки натижаларига тегишли бўлган умумий ва такрор қўлланиладиган қонун-қоидалар, тавсифлар, талаблар ва усуллар белгиланган ва тан олинган идора томонидан тасдиқланган меъёрий ҳужжатдир.
• Стандартлаштириш бу барча манфаатдор томонлар иштирокида умумфойдали, жумладан, иқтисодиётга эришишда такрорланадиган вазифа (жараён)ларнинг умум мақбул ечимини топиш учун фойдаланиш шарти, теxник xавфсизлик ва экология талабларига риоя қилинган ҳолда, маълум бир соҳада, фаолиятни оптимал даражада тартиблаштириш мақсадида қоидалар ўрнатиш ва қўллашдир.
• "Стандартлаштириш объекти" тушунчасини кенг маънода ифодалаш учун "маҳсулот, жараён, хизмат" иборалари қабул қилинган бўлиб, буни ҳар қандай материалга, таркибий қисмларга, асбоб-ускуналарга, тизимларга, уларни мослигига, қонун-қоидасига, иш олиб бориш услубига, вазифасига, усулига ёки фаолиятига тенг даражада дахлдор деб тушунмоқ лозим.

Стандартлаштиришнинг асосий мақсадлари

• маҳсулотлар, ишлар ва хизматларнинг (кейинги ўринларида маҳсулотлар деб юритилади) аҳолининг ҳаёти, саломатлиги ва мол-мулки, атроф-муҳит учун хавфсизлиги, ресурсларни тежаш масалаларида истеъмолчиларнинг ва давлатнинг манфаатларини ҳимоя қилиш;
• маҳсулотларнинг ўзаро бир-бирининг ўрнини босишини ва бир-бирига монандлигини таъминлаш;
• фан ва техника тараққиёти даражасига, шунингдек, аҳоли ва халқ хўжалигининг эҳтиёжларига мувофиқ маҳсулотларнинг сифати ҳамда рақобатбардошлигини ошириш;
• табиий ва техноген фалокатлар ва бошқа фавқулотда вазиятлар юзага келиши, ҳавф-хатарни ҳисобга олган ҳолда халқ хўжалиги объектларининг хавфсизлигини таъминлаш;
• ўлчашларнинг ягоналигини таъминлаш;
• ишлаб чиқарувчи (сотувчи, ижро этувчи) маълум қилган маҳсулот сифати тўғрисидаги кўрсаткичларини тасдиқлаш.