Mavzu: sqlda Alter instruksiyalari

FOREIGN KEY (id_fak) REFERENSES fakultet
Endi, talaba jadvalining id_fak ustuniga yangi qiymat kiritsak yoki uni o‘zgartirsak va bu qiymat fakultet jadvalida mavjud bo‘lmasa, u holda tizim amalni bajarishga ruxsat bermaydi. Agar ajdod jadvalda tashqi kalitga mos kelgan nomzod kalitni o‘zgartirish yoki o‘chirish harakatini qilsak, unda natija kiritilgan havola butunligini saqlash qoidasiga bog’liq bo‘ladi.
Bu qoidalar FOREIGN KEY konstruksiyasida quyidagicha beriladi:
<tashqi kalit>::= <tashqi kalit qismi> [ON UPDATE<saqlash qoidasi>] [ON DELETE <saqlash qoidasi >]
<saqlash qoidasi >::= {CASCADE | SET NULL | SET DEFAULT |
NO ACTION}
Agar ajdod jadvalida satrni o‘chirish (ON DELETE) harakati qilinganda, SQL tilida quyidagi holatlardan biri yuz berishi mumkin:
 CASCADE – ajdod jadvaldagi satrlar o‘chiriladi, avlod jadvaldagi shu satrlarga havola qilgan satrlar ham avtomatik ravishda o‘chiriladi. Vaholanki, avlod jadvali ham boshqa jadval uchun ajdod bo‘lishi mumkin, u holda avlod jadvalida o‘chirilgan satrlarga havola qilgan boshqa jadvalni satrlari ham o‘chiriladi (kaskad shaklida);
 SET NULL – ajdod jadvaldagi satrlar o‘chiriladi, avlod jadvaldagi shu satrlarga havola qilgan tashqi kalitni qiymati NULLga almashtiriladi. Bu usulni tashqi kalit NOT NULL hususiyatiga ega bo‘lmagandagina qo‘llash mumkin.
 SET DEFAULT – ajdod jadvalida satrlar o‘chiriladi, avlod jadvaldagi shu satrlarga havola qilgan tashqi kalit ustunning qiymati kelishuv bo‘yicha olingan qiymatga almashtiriladi. Bu usulni tashqi kalit SET DEFAULT xususiyatiga ega bo‘lsa va unda kelishuv qiymat berilgan bo‘lsa, qo‘llash mumkin.
 NO ACTION – agarda avlod jadvaldagi tashqi kalit ajdod jadvalga biror bir satriga havola qilsa, ajdod jadvalidagi satrni o‘chirish man etiladi. Bu qoida kelishuv bo‘yicha o‘rnatiladi.
Xuddi shunday qoidalar berilganlarning o‘zgartirishda ham qo‘llanadi