Mavzu: Sifonlar Reja: Unitazlar, umivalniklar, yuvish qurilmalari va pissuarlarning tuzilishi hamda ishlash prinsipi

Mavzu:Sifonlar

Reja:

1. Unitazlar, umivalniklar, yuvish qurilmalari va pissuarlarning tuzilishi hamda ishlash prinsipi

2. Davolash muassasalarning sanitariya texnikasi jihozlari

Unitazlar, umivalniklar, yuvish qurilmalari va pissuarlarning tuzilishi hamda ishlash prinsipi

Oqiziq suv qabul qilgichlari shu suvlarning ximiyaviy ta’siriga chidaydigan va suv o’tkazmaydigan pishiq materiallardan tayorlanadi. Choyandan tayorlangan sanitariya ish sirti emal, boshqa joylari suvga chidamli bo’yoq bilan bo’yalishi kerak. Zanglamas po’latdan boshqa po’latdan sanitariya asboblarini ikki tomondan emal bilan boyash lozim. Tualetxonalarga yuvish bakchalari yoki kranlar bo’lgan unitazlar va pissuarlar o’rnatiladi.

Unitazlar va polga o’rnatiladigan tuvaklar. Unitazlar fayans, yarim chinni va chinnidan tayorlanadi. Qabul qilingan tuvakning konstruksiyasiga qarab, unitazlar tarelkasimon va koziryokli bo’ladi. Chiqarish teshigining tuzilishiga qarab, unitazlar to’g’ri va qiyshiq (60⁰ burchak ostida joylashgan) teshikli qilib ishlab chiqariladi.
Chiqarish teshigi to’gri va qiyshiq tarelkasimon unitazlar tuvak, suv taqsimlash novi, chiqish teshigi, gidravlik zatvor (sifon) dan iborat. Bo’g’iz unitazga bakchadan keladigan yuvish trubasini ulaydi. Unitazning orqa qismida ikkita teshikli tokcha bor. Unda shuruplar o’tadigan to’rtta teshik bo’lib, ular yordamida unitaz polga mahkamlanadi (13-rasm).

13-rasm.

Hozirgi vaqtda yuvish bakchalari unitaz tokchasi mahkamlanadigan kozir yokli “Kompakt” unitazlari keng qo’llaniladi. “Kompakt” unitazlari gigiena jihatdan qulay, ularda nam kondensatlanmaydi.

Polga o’rnatiladigan emallangan cho’yan tuvaklar jamoat hojathonalariga o’rnatiladi. Ko’pincha diametri 100 mm li sifon bilan birga keltiriladi. Sifon tuvak ostiga o’rnatiladi. Sifonlar qiyshiq va to’g’ri tarmoq patrubokli bo’ladi. Tozalab turish uchun sifonda diametri 50 mm li teshik bo’lib, cho’yan tiqinlar bilan berkitib qo’yiladi. Tuvaklar va ularga tegishli sifonlarning asosiy o’lchamlari rasmda keltirilgan. Unitazlar va klozet tuvaklar yuvish bakchalri va yuvish kranlari yordamida yuviladi (14-rasm).