Mavzu: sifatni yaxshilashning texnikaviy-iqtisodiy tahlillari reja

Iqtisodiy moliyaviy tahlil

Ma’lum davrga qadar tayyorlangan va qabul qilingan, odatda erishish lozim bo’lgan sarf xarajatlarning hamda ushbu maqsadga erishish uchun jalb etish zarur bo’lgan kapitalni rejalashtirilgan miqdorini pul bilan ifodalangan miqdoriy rejasidir.

Rentabellik ko’rsatkichi

(Nem. Rentabel-foydali, daromadli) foyda olish darajasi. Rentabellik ma’lum davr mobaynida olingan foyda miqdorining shu davrda sarflangan asosiy ishlab chiqarish fondlari va oborot vositalari qiymati yig’indisiga yoki mahsulotning ishlab chiqarish va sotish xarajatlari- tannarxga nisbati sifatida foizlarda hisoblanadi.

Korxonada mahsulot sifatini boshqarish tizimi tahlili

Bugungi kunda Respublikamiz korxonalarida xalqaro standartlarga muvofiq bo’lgan sifatni boshqarish tizimlarini joriy qilish, import o’rnini bosa oladigan va eksportbop yuqori sifatli mahsulotlar ishlab chiqarish, xalqaro tashkilotlarga a’zo bo’lish, yangi – yangi sarmoyalarni yurtimizga jalb qilishda hamda tashqi bozorlarga chiqish masadida Respublikamiz hukumati tomonidan korxonalarda xalqaro standartlarga muvofiq bo’lgan sifatni boshqarish tizimlarini joriy qilishga va sertifikatlashtirishga katta ahamiyat berilmoqda.

Mahsulot saqlanishi

Ishlab chiqarishning barcha tarmoqlarida tayyor mahsulotning sifati ko’p jihatdan ularning saqlanishi bo’yicha samarali tadbirlarga bog’liq. Bunda xom-ashyo, materiallar va ularni o’rash, joylash, tashish katta ahamiyatga ega.

Sifatni ta’minlash borasidagi siyosat korxonaning faoliyat prinspi yoki uzoq muddatli maqsadi qilib belgilanishi va quyidagilarni o’z ichiga olishi zarur:

• korxonaning iqtisodiy holatini yaxshilash;
• sotish bozorlarini kengaytirish yoki yangilariga kirib borish;
• mahsulot ishlab chiqarishning standart va texnik shartlarini doimiy ravishda qayta ko’rib borish;
• mahsulotning sifat darajasini yetakchi korxonalar darajasidan ortiq bo’lishiga erishish;
• ishlab chiqarilayotgan mahsulotlarning nuqsonlilik darajasini pasaytirish;
• xizmat ko’rsatishni rivojlantirish.