Mavzu: shaxs va deviant xulq-atvor sotsiologiyasi

Deviant xulqli o‘smirlarni korreksiya qilishga qaratilgan (trening ishlanmasi)

VAZIFALAR

Ishtirokchilarni ahillashtirish, vujudga keladigan stress holatidan chiqib ketishga o‘rgatish.

Turli vaziyatlarda to‘g‘ri qaror qabul qilishga o‘rgatish.

Ishtirokchilar tomonidan o‘z xarakatlarining sababi va uni bartaraf etishga o‘rgatish.

Ishtirokchilar o‘rtasida o‘zaro samimiy, do‘stona munosabatlarni o‘rnatish.

Guruh a’zolarining muammolarini gapirtirishga sharoit yaratish.

 

Trening mashg‘uloti uchun kerakli jihozlar: proektor, flipchart qog‘oz, koptok, qopcha, markerlar, vatmanlar, slaydlar.

Ishtirokchilar: 8-sinf o‘quvchilari

Soni: 15 nafar

Treningning borishi: (10 daqiqa)

1-TANISHUV

Trener: treningni boshlashdan avval barchangiz o‘zingizga yoqqan multqahramonlaridan birini tanlang hamda maxsus ajratilgan qismiga o‘z ismingizni yozib, maxsus qadoqichlar bilan kiyimingizga osib olishingizni so‘raymiz. Endi esa nima uchun aynan ushbu qahramonni tanlaganingiz sababini aytishingiz so‘raladi.

Hammani fikri diqqat bilan tinglanadi hamda ushbu qahramonlar misolida 4 ta temperament yashiringani, o‘quvchilar qaysi temperamentga talluqli inson ekanligi tushuntiriladi.