Mavzu: samarqandlik bastakorlar ijodi

 
T A Q R I Z
 
O’zbek musiqa san’ati asrlar osha o’zbek xalqi tomonidan ulug’ ma’naviy 
qadriyat sifatida ardoqlab kelingan. U yillar osha og’zaki uslubda shakllanib, 
rivojlanib kelgan; xalq orasidan ajoyib bastakorlar, ijrochilar yetishib chiqqan. 
O’zbek musiqa ijodkorligi asosan bastakorlik uslubida shakllanib kelgan. Hozirgi
davrga kelib esa o’zbek musiqa san’atida Yevropa musiqa nazariyasiga 
asoslangan kompozitorlik uslubi ham keng rivojlandi va bu uslubda o’zbek 
kompozitor - bastakorlari ham ko’plab musiqa durdonalarini yaratmoqdalar. 
Kompozitorlarning asosiy ijod manbai bu xalq musiqasidir. O’zbek bastakor va 
kompozitorlari ana shu cheksiz manbadan foydalanib musiqa san’atining turli 
janrlarida ijod qilmoqdalar.
Safarov Faruxning ―Samarqandlik bastakorlar ijodi: musiqiy tahlil‖ deb 
nomlangan mazkur malakviy bitiruv ishida Samarqandlik bastakorlar ijodini 
uslubiy negizini yoritib berishga harakat qilgan. 
Ishning 1-bobi mazmunida Samarqand musiqa madaniyati va taraqqiyoti, 
san’atshunoslikka oid manbalarga tayangan holda tahlil qilingan. Shu o’rinda 
O’zbekiston Bastakorlari ijodiyoti haqida tushuntirib berilgan. 
Ishning 2-bobida esa Samarqand musiqa ijodkorligi – bastakorlik uslubining 
shakllanishining mazmuni yoritib berilgan.
Chiqarilgan xulosa va muallifning o’z izlanishlari samarasi o’laroq bergan 
tavsiyalari ham ilmiy qiymatga egaligi bilan diqqatga molikdir. 
Ushbu malakaviy bitiruv ishini umumta’lim maktablari musiqa 
o’qituvchilari, talabalar uchun foydali manba bo’lib xizmat qilishi mumkin. 
Ishni muhim dolzarb muammoni tadqiqiga bag’ishlangan izlanish sifatida 
baholash va himoyaga tavsiya etish mumkin. 
 
 
 
 
 
 
 
 
Ilmiy rahbar: M.I. Rajabova