Mavzu: Rossiyaning iqtisodiy-geografik tavsifi Kirish. I. Rossiya federatsiyasiga umumiy geografik tavsif

O‘rmon, yog‘ochni qayta ishlash va selluloza-qog‘oz sanoati. Bu tarmoq juda katta ahamiyatga ega. Rossiya o‘rmonlarga juda boy va ular hudud bo‘yicha keng tarqalgan. Umumiy o‘rmon maydonlari 766 mln. gektami tashkil etadi.
Selluloza-qog‘oz sanoati korxonalarini joylashtirishda xomashyo omilining ahamiyati juda katta. Hozirgi vaqtda bu tarmoqning asosiy markazlari Shimoliy rayonda (Kondopoga, Arxangelsk, Kotlas, Siktivkar), Uralda (Krasnokamsk, Krasnovishersk, Solikamsk), Volga-Vyatka rayonida (Balaxna, Pravdinsk, Voljsk) joylashgan. Sibirda (Krasnoyarsk, Bratsk, Ust-Ilimsk, Selenginsk, Baykalsk) va Uzoq Sharqda yirik kombinatlar ishlaydi.
Yengil sanoat. So‘nggi yillarda bu tarmoqda jiddiy vaziyat yuzaga kelgan. RF sanoati tizimidagi uning salmog‘i sezilarli kamaydi. Shunga qaramasdan, hozirgi vaqtda tez sur’atlar bilan rivojlanmoqda. Yirik to‘qimachilik sanoati markazlari qatoriga Ivanovo, Moskva, Yaroslavl, Orexovo-Zuyevo, Noginsk, Tver; jun gazlama tarmog‘i markazlariga Moskva, Tver; zig‘ir gazlama sanoati markazlariga Kostroma, Vyazniki; ipak gazlama markazlariga Moskva, Naro- Fominsk shaharlari kiradi.