Mavzu: Pul-kredit siyosatining mohiyati va vositalari

Inflyatsiya va inflyatsion kutilmalar

2019 yil I choragidagi inflyatsiya sharhi Umuman olganda, 2019 yilning I choragida inflyatsiya darajasi ayrim turdagi oziq-ovqat mahsulotlari taklifiga mavsumiy omillar ta'siri, qo'shilgan qiymat solig'i (QQS) bazasining kengaytirilishi hamda milliy valyutaning biroz qadrsizlanishi ta'siri ostida shakllanib, kutilgandan past darajada bo'ldi. Davlat statistika qo'mitasi ma'lumotlariga ko'ra, 2019 yilning mart oyi oxirida iste'mol narxlari indeksi bo'yicha hisoblangan choraklik inflyatsiya o'tgan yilning mos davriga nisbatan 0,6 foiz bandga pasayib, 4,3 foizni tashkil qildi (1-rasm). Avvalgi yillarda kuzatilgani kabi inflyatsiyaning asosiy “drayveri” oziq-ovqat mahsulotlari narxlarining o'sishi bo'lib, uning choraklik inflyatsiyadagi salmog'i 2,8 foiz bandga teng bo'ldi. Shuningdek, nooziq-ovqat mahsulotlari ulushi sezilarli qisqarib 1 foiz bandni va xizmatlar ulushi esa 0,5 foiz bandni tashkil etdi.