Mavzu: Psixologik salomatlikni mustahkamlash uchun trening

Ushbu mashqning maqsadi: kuch va energiyani tiklash, boshlangan ishni davom ettirishga kirish uchun umumiy tayyorgarlik
Bajarish vaqti: 5 daqiqa.
Muolaja: chuqur nafas olib chiqaring va buni 5 marta takrorlang. Xayolan quyidagi iborali formulani qaytaring:

1. 
   “men yaxshi dam oldim...”;
   
2. 
   “kuchlarim yana tiklandi...”;
   
3. 
   “butun tanamda energiya manbaini his etayapman...”;
   
4. 
   “fikrlarim aniq va tushunarli...”;
   
5. 
   “mushaklarim hayotiy kuch bilan tо‘lmoqda...”;
   
6. 
   “ishlashga tayyorman… huzurbaxsh dush qabul qilgandayman...”;
   
7. 
   “tanamda yoqimli titroq va shabadani his qilyapman...”;
   
8. 
   “chuqur nafas olyapman… keskin nafas chiqaryapman... salqinlik...”;
   
9. 
   “boshimni kо‘taryapman (yoki turyapman)... kо‘zlarimni ochyapman...”;
   

“Meditativ nafas konsentratsiyasi”
(nafas texnikasi)
Ushbu mashqning maqsadi: tо‘laqonli bо‘shashish, nafas jarayonining ritmizatsiyasi, ichki barqarorlik, emotsional reaksiyaga erishish muvaffaqiyati.
Bajarish vaqti: 3-5 daqiqa.
Muolaja: qulay joylashib oling. Tanangizni bо‘shashtiring. Diqqatingizni nafas olishga qarating. Nafas olishning tabiiy usulini о‘zgartirmang, biroq uni nazorat qiling. О‘zingizga: «men nafas olishimni his qilyapman.. nafas chiqarishimni his qilyapman», deb ayting. Mashq bir necha marta bajarilgandan sо‘ng parishonlik holati yо‘qolib, diqqatning bir joyga jamlanishi mukammallashib boradi.
Mutaxassislarning fikricha, ushbu mashq juda samarali bо‘lib, faqat uni tо‘g‘ri qо‘llay bilish lozim.
«Yuqori energiya»
Ushbu mashqning maqsadi: qisqa muddatli energiya quvvati va uni tо‘g‘ri qо‘llay bilish mahoratini shakllantirish. Bajarish vaqti: 3 daqiqa.
Muolaja: Tungi yorqin osmonni tasavvur qiling. О‘zingiz uchun eng charaqlagan yulduzni tanlang. Mana endi… uni yutib yuboring... u sizning organizmingizda yorilib ketadi va butun tanangizni energiya bilan tо‘ldiradi. Energiya organizmning barcha katakchalariga kirib boradi va sizni nimadir qilish, biror narsani о‘zgartirish yoki tо‘g‘rilashga undaydi. Dadilroq harakat qiling!