Mavzu: Prezident Shavkat Mirziyoyev asarlari, Farmon va Qarorlarida jamiyat taraqqiyotini yangi bosqichga ko‘tarish g‘oyasining ishlab chiqilishi. Reja

Saylovoldi uchrashuvlarida Shavkat Mirziyoyevning so‘zlagan nutqlari:

Saylovoldi uchrashuvi o‘tkazilgan viloyat	Uchrashuvdagi nutq mavzusi	O‘tkazilgan vaqti va joyi
Andijon viloyati	Zamon bilan hamnafas diyor	2016 yil 1 noyabr. Bo‘z tumani
Farg‘ona viloyati	Oltin vodiy durdonasi	Rishton tumani, 2016 yil 1 noyabr
Namangan viloyati	Go‘zal va betakror o‘lka	Uchqo‘rg‘on tumani. 2016 yil 2 noyabr
Navoiy viloyati	Mamlakatimizning javoxir xazinasi	Nurota tumani. 2016 yil 4 noyabr
Buxoro viloyati	Ilmu ma’rifat, dinu diyonat, bunyodkorlik bilan nom qozongan xalq	G‘ijduvon tumani, 2016 yil 4 noyabr
Samarqand viloyati	Samarqand er yuzining sayqali	Kattaqo‘rg‘on shahri,2016 yil 8 noyabr
Qoraqalpog‘iston Respublikasi	Yuragimga, qalbimga yaqin insonlar	Shumanay tumani, 2016 yil 10 noyabr
Xorazm viloyati	Oqqan daryo aslo to‘xtamas	Shovot tumani, 2016 yil 11 noyabr
Surxondaryo viloyati	Oq ko‘ngil, oriyatli va mehnatkash insonlar yurti	Qumqo‘rg‘on tumani 2016 yil 15 noyabr
Qashqadaryo viloyati	Har qanday sinovlarni engishga qodir xalq	Shahrisabz tumani, 2016 yil 16 noyabr
Jizzax viloyati	“ Shunday o‘lka doim bor bo‘lsin”	Arnasoy tumani, 2016 yil 18 noyabr
Sirdaryo viloyati	Sahro bag‘rida mo‘jizalar yaratayotgan el	Sardoba tumani, 2016 yil 19 noyabr
Toshkent viloyati	Yuksak ta’riflarga munosib zamin	Oqqo‘rg‘on tumani, 2016 yil 22 noyabr
Toshkent shahri	Toshkent barchamiz uchun onadek ulug‘ va mo‘tabardir	Simpoziumlar saroyi,2016 yil 24 noyabr

Saylovoldi uchrashuvlarida so‘zlagan nutqlarida Respublikamizning barcha viloyatlari, Qoraqalpog‘iston Respublikasi va Toshkent shahrida mavjud muammolar va ularning echimi bir necha yo‘nalishlarda tahlil qilindi.

Shu boisdan ham saylovoldi uchrashuvlarida ilgari surilgan dolzarb vazifalar ham “2017-2021 yillarda O‘zbekiston Respublikasini yanada rivojlantirishning beshta ustuvor yo‘nalishlari bo‘yicha “ Harakatlar strategiyasi”ga asos qilib olindi. Saylovoldi uchrashuvlarida ilgari surilgan kontseptual vazifalar O‘zbekiston Respublikasi Prezidenti Shavkat Mirziyoyev tomonidan demokratik islohotlarni izchil davom ettirishga ham asos bo‘ldi, deyish mumkin.

Ma’lumki, 2016 yil 4 dekabr kuni O‘zbekistondagi boshqa siyosiy partiyalardan ilgari surilgan nomzodlar bilan muqobillik asosida saylovlar bo‘lib o‘tdi. Bunda Shavkat Mirziyoyev mutlaq (15 million 906 ming 724 kishi ) 88,61 foiz ovoz bilan O‘zbekiston Respublikasi Prezidenti etib saylandi. 2016 yil 14 dekabrdan boshlab Shavkat Mirziyoyev Prezidentlik lavozimini bajarishga kirishdi. O‘zbekiston Respublikasi Prezidenti lavozimiga kirishish tantanali marosimiga bag‘ishlangan Oliy Majlis palatalarining qo‘shma majlisidagi “Erkin va obod, demokratik jamiyatni barchamiz birgalikda barpo etamiz” nomli ma’ruzalarida (2016yil 14dekbr) bugungi davrning muhim vazifalarini va ularni hal etishning konstruktiv yo‘llarni belgilab berdilar.

Davlatimiz rahbari Konstituttsiyamiz qabul qilinganining 24 yilligiga bag‘ishlangan tantanali marosimdagi “Qonun ustuvorligi va inson manfaatlarini ta’minlash-yurt taraqqiyoti va xalq faravonligining garovi” nomli ma’ruzasida inson manfaatlarini ta’minlash uchun, avvalo, odamlar bilan muloqot qilish, ularning dardu -tashvishlari, orzu-niyatlari, hayotiy muammo va ehtiyojlarini yaxshi bilishlari kerakligini ta’kidlar ekan, xalqimiz dilidagi, jamiyatimizdagi og‘riqli bir muammoni kun tartibiga qo‘ydi: “Biz keyingi paytda odamlar bilan muloqot qilishni unutib qo‘ydik.” Ularning ichiga kirib, ochiq va samimiy gaplashish, dardini eshitish bizning faoliyatimizda, afsuski, oxirgi o‘ringa tushib qoldi”³

Shu bois ikki-uch yil oldin aksariyat odamlar o‘zi yashayotgan hududlardagi mahalliy hokimyat idoralari rahbarlarini, vazirlarni deyarli tanimas edi. Ularni xalqqa yaqinlashtirishda oshkora muloqot bilan birgalikda virtual qabulxonaning o‘rni ham beqiyos bo‘ldi. Afsuski, O‘zbekiston taraqqiyotini ko‘rolmaydigan muxoliflarimiz bu masalaga ham o‘zgacha yondashdilar. Xorijdagi va ichkaridagi ayrim “do‘st“larimiz Virtual qabulxona tashkil etilgach , bu “Shavkat Mirziyoyevning saylovoldi “piar”i deb talqin etdilar. Bu tizim Prezident saylovidan so‘ng o‘z-o‘zidan unutiladi”,deb “bashorat” ham qildilar. Biroq amalda buning aksi bo‘ldi. “Bashoratchilar”lar uyalib qolishdi.

Shavkat Mirziyoyev O‘zbekiston Respublikasi Prezidenti lavozimiga kirishishi tantanali marosimiga bag‘ishlangan Oliy Majlis palatalarining qo‘shma majlisidagi “Erkin va obod, demokratik jamiyatni barchamiz birgalikda barpo etamiz”deb nomlangan ma’ruzasida xalq ichiga kirib borish, xalqni rozi qilib yashash, xalqning arzu-dodini eshitish, insonlarning dardu- tashvishlarini o‘ylab yashash odamiylikning eng oliy mezoni ekanligi to‘g‘risidagi kontseptual g‘oyalarni ilgari surdilar: “Hammamizni tarbiyalagan, voyaga etkazgan-shu xalq. Barchamizga tuz- nasiba bergan ham-shu xalq. Bizga ishonch bildirgan, rahbar qilib saylagan ham aynan shu xalq. Shunday ekan, biz birinchi navbatda kim bilan muloqot qilishimiz kerak-odamlarimiz bilan.