Mavzu: Pedagogik menejment nazariyalarining rivojlanish bosqichlari. Reja

Miqdoriy, tizimli yoki zamonaviy” manejment maktabining mohiyati va shakllanishi

XX asrning 60-80-yillarida g‘arbda zamonaviy menejment rivojlana boshladi. G‘arb nazariyotchilari boshqaruvning ijtimoiy tizimlar maktabini tashkil qilish maqsadida:

-         tizimli yondashuv asoslarini ishlab chiqishdi;

-         yaxlit tizim bilan uning qismlari munosabatlari masalalarini ko‘rib chiqildi;

-         bir qancha o‘zgaruvchi omillarning boshqaruvga ta‘sirini o‘rganishdi.

Umuman “Zamonaviy menejment” maktabining nomoyondalari Ch.Barnard, G.Saymon, P.Duruker, E.Deyl va boshqalar murakkab boshqaruv muammolarini chuqurroq tushunish maqsadida turli modellarni ishlab chiqish va qo‘llash, shuningdek murakkab vaziyatlarning yechimi bo‘yicha boshqaruv xodimlariga yordam beruvchi miqdoriy usullarni ishlab chiqishga erishishdi. Zamonaviy menejment maktabi nomoyondalari boshqarishga yondashuvning quyidagi turlarini ishlab chiqishdi:

1.       Tizimli yondashuv –boshqaruv obyektini yaxlit bir tizim deb qaralib, bunda uning ichki muhitiga (iqtisodiy, ilmiy-texnik, ijtimoiy-siyosiy) e‘tibor beriladi.

2.       Vaziyatli yondashuv – yaxlitning qaysi bir qismini o‘ta muhim degan savolga vaziyatli tahlil javob beradi. Bunda tashkilotning ichki tarkibidagi o‘zgarishlar tashki muhitning ta‘siri bilan bog‘lab o‘rganiladi. Ammo turli darajadagi vaziyat turli darajadagi bilimni talab qiladi.

3.       Funksional yondashuv – boshqarish quyidagi funktsiyalarni bajaradi: rejalashtirish, tashkillashtirish, rahbarlik qilish, muvofiqlashtirish, nazorat qilish.

4.       Miqdorli yondashuv – miqdorli yondashuvdagi boshqarish jarayonida nafaqat matematika, statistika, kibernetika, muhandislik fanlari bilan sotsiologiya ruhshunoslik, tizimlar nazariyasi kabi fanlardan ham keng foydalaniladi.