Mavzu: Pedagogik menejment nazariyalarining rivojlanish bosqichlari. Reja

2-ma’ruza

Mavzu: Pedagogik menejment nazariyalarining rivojlanish bosqichlari.

Reja:

1.       Pedagogik menejmentning nazariy asoslari.

2.       Boshqaruv faoliyatining mohiyati va tuzilmasi.

3.       Pedagogik menejmentning tamoyillari va funksiyalari. Boshqaruv uslublari.

Menejment fanining shakllanish davriga qadar, insoniyat paydo bo‘lishidan boshlab, insonlar u yoki bu shakl va mazmunda faoliyat ko‘rsatadilar. Ular hayotiy ehtiyojlarini qondirish maqsadida mehnat qilishgan va farzandlari narbiyasi bilan shug‘ullanishgan, shu davrlardayoq boshqarishga muhtojlik vujudga kelgan, ularning mehnat faoliyatlari davomida o‘zaro munosabatlar shakllanib brogan, mazkur jarayonlarda o‘zaro ta’sir, munosabatlar, boshqarish usullari shakllanib, rivojlanib borgan.

Qadimda va ayniqsa, o‘rta asrlarda shakllangan davlatlar, imperiyalar faoliyati murakkab tashkilotlarni boshqarish amaliyotidan darak beradi. Turkistonda Amir Temur hukmronligi vaqtida barpo etilgan va bugumgi kungacha saqlanib kelayotgan tarixiy obidalarni yaratilishi turli kasb egalarining o‘zaro munosabatlari rasmiy tarzda shakllanganligidan va ular ma’lum bir maqsad yo‘nalishida boshqarilganligidan darak beradi.