Mavzu: O`zbekistonning tabiatini muhofaza qilish

O`tilgan mavzular bo`yicha savol - javob o`tkazib oldi.
Turli mintaqalarning ta’rifini aytdi, o`quvchilar esa javobni topishdi. Xatto o`qituvchi ta’rifdagi hatolarni ham ilg`ab olib, hushyorlik bilan tuzatishdi.
O`qituvchi:
O`zbekiston tabiatini muhofaza qilish haqida gapirishdan oldin tabiat,tabiat komplekslari esga olaylik.
1-o`quvchi:
Atrofimizni o`rab turgan borliq, olam tabiatdir.
2-o`quvchi: Tabiat komponetlariga - quyosh nuri, suv, havo, tuproq o`simlik hayvonot olami va inson kiradi.
O`qituvchi:
O`zbekiston hududi qanday tabiat mintaqalariga ajraladi?
3-o`quvchi:
O`zbekiston hududida cho`l, adir va yaylov mintaqalari ajratiladi. Buni O`zbekiston fanlar akademiyasi K. Zokirov tavsiya etgan.
4-o`quvchi:
Adir mintaqasi okean sathidan 400-500 metrdan to 1000-1200 metrgacha bo`lgan balandliklarda joylashgan.
O`qituvchi:
Men bir mintaqaga ta’rif beraman, siz uning nomini topishingiz kerak. Bu mintaqaga okean sathidan 400-500 metrdan to 1000-2000 metrgacha bo`lgan balandlikdagi joylar kiradi. Yozi issiq, uzoq davom etadi.
5-o`quvchi:
Adir mintaqasi.
O`qituvchi:
Bu mintaqaga asosan bo`z tuproqlar va taqirlar uchraydi, efemer o`simliklar o`sadi.
6-o`quvchi:
Chol mintaqasi.
O`qituvchi: Endi men bir mintaqaga ta’rif beraman. Siz undan keyin xatolarni topishingiz kerak. Bu mintaqa okean sathidan 1000-2000 metrdan 2700-2800 metrgacha bo`lgan balandlikdagi joylarni o`z ichiga oladi. Balandlikka ko`tarilgan sari havo harorati ko`tarilib yog`in miqdori kamayadi.
7-o`quvchi:
Bu tog` mintaqasi, lekin tog` mintaqasida yuqoriga ko`tarilgan sari havo harorati pasayadi, yogin miqdori esa ortadi.
O`qituvchi:
“Kim chaqqon va bilimdon” o`yinini o`tkazadi (stolga hayvonlar teriladi).
O`qituvchi:
Bilasizki, O`zbekiston tabiiy boyliklarga boy. Qani, tabiiy boyliklar deganda nimani tushunasiz?
8-o`quvchi:
Tabiiy boyliklar deganda bu insonning yashashi va xo`jalik faoliyati uchun zarur bo`lgan hamda uning xilma - hilligi ehtiyojini qondiruvchi yagona manbadir.
9-o`quvchi:
To`g`ri, inson tabiatdan oladigan barcha moddiy boyliklar -yer osti boyliklari, suv, havo, osimliklar, hayvonot olami va boshqalar - tabiiy boylik hisoblanadi.