Mavzu: O`zbekiston respublikasi san’at arbobi ortiqali qozoqovni xayoti va ijodi

ITALIYaDA ASARI O`G`IRLANGAN  MUSAVVIR
        Taniqli rassom Ortiqali Qozoqov bilan suhbat
Nargiza Usanboyeva suhbatlashdi
Bu rassom haqida juda ko`p bilaman deb o`ylardim. Hali shaxsan suhbatlashish baxtiga muyassar bo`lmasam-da, uning dilkashligi, odamoxunligi haqida eshitgandim. Bugun angladimki, u haqida bildim deganlarim dengizdan tomchi ekan. O`zbekiston xalq rassomi, san’at arbobi Ortiqali Qozoqovning umr bekatlarida to`xtalib siz ham shu fikrga kelsangiz ne ajab…

 

“O`g`irlik meni xafa qilmadi!”

Ilgari “Italiya muzeyidan Pikassoning yoki Renuar asari o`g`irlanibdi”, desa unchalik ishonmasdim. Shov-shuvdek tuyulardi. Yaqinda bir xalqaro simpoziumda qatnashdim. U yerda o`n sakkiz mamlakatdan kelgan ijodkorlar fikr almashdik. O`shanda bir gapni eshitib, lol qoldim. 2011 yilda Italiyaning Milan shahrida oltmishdan ortiq asardan iborat juda katta ko`zgarma bo`libdi. Shu oltmishta eksponat ichida mening “Xayol” degan asarim ham bo`lgan. Ertasiga qarashsa, aynan o`sha “Xayol” yo`q emish. O`g`irlashibdi. Internetda ham bu haqida yozishibdi. Faqat biz bexabar. So`ng aynan o`sha “Xayol”ning menga teriladigan, (“Qish sonatasi” serialidagi terib yasaladigan suratga o`xshash) variantini sovg`a qilishdi. Ochig`i, sovg`a meni juda xursand qildi. Hatto, o`g`irlikdan ham xafa bo`lmadim. Axir eng katta galereyadan o`zbek rassomining asari o`g`irlanishi hazil gap emas! (Kuladi).