Mavzu: O`zbekiston respublikasi san’at arbobi ortiqali qozoqovni xayoti va ijodi

Askarning muzeydagi suratlari

Rassom uchun dunyo ko`rish, turli madaniyat o`choqlarida bo`lish, turfa tabiat manzaralarini kuzatish juda muhim. Men bunga o`qishni bitirib, Qrimga harbiy xizmatga borganimda amin bo`lganman. Ma’lumki, u yerning tabiati ham betakror. Shuning uchunmi harbiy xizmat davrida chizgan suratlarim ham e’tiborsiz qolmagan. Askar bo`la turib, Sevastopolь harbiy quruvchilar saroyida ko`rgazmamni o`tkazganman. O`sha suratlarim haliyam o`sha muzeyda saqlanmoqda. Shukrki, undan keyin o`nlab davlatlarda bo`ldim. Shu-shu qayerga bormayin men surat chizishga oshiqaman. Axir voqelikning o`ziga qarab rasm chizish boshqacha-da! Registon maydonida turib yoki Misr ehromlarining o`ziga boqib rasm chizishni bir ko`z oldingizga keltiring…

“Guli Nigor bilan maktabda tanishganmiz”

Rafiqam bilan bir maktabda o`qiganmiz. Men maktab devoriy gazetasiga rasm chizsam, Gulchehra o`zining yozgan she’rlari bilan qatnashardi. O`sha paytdayoq bir-birimizga ko`ngil qo`yganmiz. Uning ham she’rlari Guli Nigor taxallusi bilan matbuotda e’lon qilinardi. Kitoblari ham chiqdi. Ikki farzandimiz, ikki nevaramiz bor. O`g`lim ham, qizim ham tavsiriy san’atni juda yaxshi tushunadi. Qizim shu sohani egallagan. Hatto, ikki yoshli nevaram ham qo`lida mo`yqalam tutib, rasm chizishni boshlagan (kuladi).

2. Rassomning shaxsiy ko`rgazmlari

Rassomning shaxsiy ko`rgazmlari nafaqat yurtimiz, balki Vashington (1991), Moskva (1994), Izmir (1995), Nagano (1999), Lyubek (1997) kabi qator shaharlarda namoyish qilingan. O. Qozoqovning asarlari Kipr, AQSh, Frantsiya, Italiya, Yaponiya, Buyuk Britaniya, Ispaniya, Belьgiya, Turkiya, Yugoslaviya, Marokash, Kanada, Isroil, Niderlaniya, Janubiy Koreya va ko`plab boshqa xorijiy davlatlar muzeylari, badiiy galereyalari va xususiy to`plamlardan o`rin olgan. To`liq ma’lumotni musavirning veb-sahifasidan olishingiz mumkin.