Mavzu: Operasion sistema va uning turlari

Mavzu: Operasion sistema va uning turlari.

Reja:

• Shaxsiy kompyuterlarning operatsion sistemalari yaratilishi tarixi.
• Operatsion tizim haqida tushuncha.
• Operatsion sistema funksiyalari.
• DOS oilasiga mansub operatsion tizimlar.
• OS/2 oilasiga mansub operatsion tizimlar.
• UNIX oilasiga mansub operatsion tizimlar.
• WINDOWS oilasiga mansub operatsion tizimlar.

1. Shaxsiy kompyuterlarning operatsion sistemalari yaratilishi tarixi.

Sakkiz razryadli shaxsiy kompyuterlar uchun yaratilgan birinchi operatsion sistema CP/M-80 (Control Programm for Microcomputers, ya’ni mikrokompyuterlar uchun boshqaruvchi dasturlar) nomi bilan tanilgan. Uning muallifi Digital Research kompaniyasining prezidenti Geri Kildell bo'lgan.

16 razryadli yangi kompyuterlar yaratish g‘oyasini dasturlar yaratuvchi Microsoft (Maykrosoft) kompaniyasining asoschisi va prezidenti, multimilliarder Bill Geyts ilgari surgan. U IBM firmasi bilan hamkorlikda ishlashga rozi bo‘ladi.

Bill Geyts va Pol Allen BASIC dasturlash tili uchun tarjimon dastur yozishdi va u IBM firmasining MITS Altair kompyuteriga moslashtirildi.

Shundan so‘ng 16 razryadli kompyuterlar uchun operatsion sistemalar yaratish jadallashdi va 1981 -yilda shaxsiy kompyuterlar uchun birinchi yaratilgan CP/M operatsion sistemasining ko‘p g‘oyalarini o'zida mujassamlashtirgan MS DOS operatsion sistemasi (Microsoft Disk Operation System — Maykrosoft diskli operatsion sistemasi) 1981-yil avgust oyida paydo bo’ldi.MS DOS 64 K/bayt xotiraga ega bo'lgan kompyuterlarga mo'ljallangan bo‘lib, o‘zi 8 K/bayt xotirani egallar edi. O‘sha paytda yetarli deb hisoblangan bunday kompyuter xotirasi hozirgi paytda bir «o‘yinchoqqa» aylandi. Chunki hozirgi zamon shaxsiy kompyuterlarining xotirasi bir necha Gigabaytlarga tenglashdi.

2. Operatsion tizim haqida tushuncha

Operatsion tizim kompyuter ishga tushirilishi bilan yuklanuvchi shunday bir dasturki, bu dastur foydalanuvchiga EHM bilan muloqot qilish vositasi bo’lib xizmat qiladi, uning barcha qurilmalari ishini boshqarish imkonini beradi.