Mavzu: «Odob salomdan boshlanadi»

Darsning borishi
I. Darsni tashkil etish.
II. Savol-javoblar asosida o'tilgan darsni takror-
lash.
III. Magnit lentasidan bolalikni madh etuvchi
she'rlarni eshittirish (she'rlar yuzasidan kichik suhbat
o'tkaziladi).
IV. Yangi mavzu ustida ishlash davom etadi.
Suhbatdan so'ng o'qituvchi bolalarni bir oz xayol surishga yetaklaydi. Ya'ni, bunday topshiriq beriladi: Ona tabiatning so'lim joyidasiz, u yerda gullar terib o'ynamoqdasiz. O'sha paytdagi holatingizni tasvirlang. Qalbingiz qanday his-tuyg'ular bilan to'ladi? O'quv-chilar bir oz xayol suradilar. Javoblar albatta har xil bo'ladi. O'qituvchi asta-sekinlik bilan bolalar kayfiyatini bolalik fasli beg'uborliklariga, bahor fasli bilan o'xshashliklariga olib kiradi va «Bolaligim - gulbahor» qo'shig'ini magnit lentasi orqali eshittiradi. O'quvchilar diqqati yana bolalik nima uchun bahorga qiyoslanishiga tortiladi.
Nima uchun «Bolaligim — poshsholigim» deyiladi, shuni ham muhokama qiladilar. Bu darsda o'quvchilar onggiga bolalikda egallagan bilim, xulq, mehru tarovat ular hayotida muhrlanib qolishini singdirish lozim.
V. Yana xayol surishda davom yetamiz. Ko'zlarimizni yumdik:
Bahor. Tog' yon bag'ri. Tog' yon bag'riga adirlar tutashib ketgan. Endigina uyqudan bosh ko'tarayotgan maysalar hayotga intilmoqda. Binafsha, chuchmoma, yalpiz, lola, lolaqizg'aldoqlar adirlik va unga tutash tekisliklarni yashnatib turibdi. Ariqlar bo'yida yalpizlar sizga salom bermoqda. Havo top-toza. Qushlar yoqimli sayramoqda. Uzoqdan qo'y-qo'zilar ma'rashi eshitiladi. Men o'zimda yo'q shodman.
Ko'zlaringizni oching. Qani, uchqur xayolli bola-jonlar, bahor elchilari sizga nimalar deyishdi?
Binafsha:
Binafshaman, binafsha, Hidlarimga to'yingiz. E'zozlang, tabarruk deb, Guldonlarga qo'yingiz.
Lola:
Qir-adirlar yashnab ketar, Mening malohatimdan, Shodman, boshim ko'kka yetar, Har yilgi odatimdan