Mavzu: Nodavlat maktabgacha ta’lim muassasalarini tashkil etish Maqsad

Litsenziya olish uchun nimalarni taqdim etish kerak va murojaat qay tariqa ko‘rib chiqiladi?
Talabgor litsenziya olish uchun:

• 
  yuridik shaxsning nomi, joylashgan joyi, ta’lim faoliyatini amalga oshirish manzili, ta’lim faoliyati yo‘nalishlari ro‘yxati ko‘rsatilgan ariza (arizada litsenziya talablari va shartlariga rozilik ko‘rsatiladi);
  
  
  
• 
  yong‘in va sanitariya-epidemiologiya nazorati organlarining mavjud binolar va xonalar bo‘yicha xulosalari;
  
  
  
• 
  pedagog kadrlar haqida ma’lumot;
  
  
  
• 
  o‘quv rejasi va dasturlarining elektron nusxalarini taqdim etadi hamda ariza ko‘rib chiqilganligi uchun bazaviy hisoblash miqdorining ikki baravari miqdorida yig‘im to‘laydi.
  

Inspeksiya oliy ta’lim muassasalari bo‘yicha 30 ish kuni, boshqa turdagi ta’lim muassasalari bo‘yicha 15 ish kuni muddatda hujjatlarning litsenziya talablari va shartlariga muvofiqligini o‘rganib litsenziya berish yoki rad etish haqida qaror qabul qiladi. Bunda hujjatlar maxsus ekspert komissiyasi tomonidan ko‘rib chiqiladi.
Ijobiy qaror qabul qilingan taqdirda talabgor bazaviy hisoblash miqdorining o‘n baravari miqdorida davlat bojini to‘laydi va unga cheklanmagan muddatga elektron litsenziya taqdim etiladi.
Sohada muammolar bormi?
Har qanday ishda ham muammolar bo‘lgani kabi nodavlat ta’lim muassasalarini litsenziyalash jarayonida ham bir necha tizimli muammolar mavjud.
Birinchidan, ba’zida sub’ektiv, ba’zida ob’ektiv sabablarga ko‘ra tadbirkorlik sub’ektlarining huquqlari buzilish holatlari takrorlanib kelgan. Natijada, nodavlat ta’lim tashkilotlarini litsenziyalashda o‘tgan 2019 yil davomida 600 dan ortiq qonun buzilish holatlari aniqlandi. Buning ikki asosiy sababi bo‘lib:
bir tarafdan, 2019 yil dekabr oyiga qadar normativ-huquqiy hujjat talabiga binoan har qanday nodavlat ta’lim muassasasining arizasini ko‘rib chiqish uchun 10 kun berilgan edi va katta hajmdagi o‘quv dasturlarini tekshirish uchun ba’zida bu muddat kamlik qilardi;
boshqa tarafdan, Inspeksiya tomonidan arizalarni ko‘rib chiqishda ma’lum xato amaliyot ham yo‘lga qo‘yilgan edi. Xususan, qonun hujjatlari talabiga muvofiq litsenziya berish rad etilgan hollarda rad etish xabarnomasida kamchiliklarni bartaraf etish uchun etarli muddat ko‘rsatilishi lozim. Biroq ko‘plab arizalarga javoblarda ushbu talab bajarilmagan. Bundan tashqari, vakolatli organ Inspeksiya ekanligiga qaramasdan ba’zi hollarda uning hududiy bo‘linmalari, ba’zida esa maxsus tashkilotlarning xulosalari orqali rad etilib, Inspeksiya qarori ko‘rsatilmagan va boshqa qonun buzilishlariga yo‘l qo‘yilgan.
Ikkinchidan, hokimliklarda ish jarayonining o‘ziga xosligi tufayli litsenziyalash umumiy faoliyat yo‘nalishiga xos bo‘lmagan deb hisoblanib, ancha payt ushbu funksiyaga etarli e’tibor qaratilmagan va davomli davr mobaynida ushbu davlat xizmatini ko‘rsatish jarayonida qonun buzilish holatlari kuzatilgan.
Uchinchidan, ayrim turdagi ta’lim yo‘nalishlarining normativ-huquqiy hujjatlar bilan aniq qamrab olinmaganligi huquqni qo‘llash amaliyotida muammo va tushunmovchiliklar keltirib chiqarmoqda. Misol uchun, ba’zi turdagi transport vositalari haydovchilarini tayyorlash Vazirlar Mahkamasining 2018 yil 31 maydagi 408-son qarori bilan tasdiqlangan nizomdan chetda qolib ketgan.