Mavzu: “Navro‘z – yangilanish va yasharish bayrami!” Navro‘z atamasining kelib chiqishi

Navro‘z bayramida xalqimiz turli xil milliy taomlarni tayyorlashadi va albatta, bu taomlarni sumalak va halimsiz tasavvur etib bo‘lmaydi. Navro‘z bayramining shoh taomlaridan tashqari yana ko‘k somsa, ko‘k chuchvara, manti-yu xonim, cho‘zma- chalpak, yog‘li patirlar va palovxon to‘rani tayyorlashadi.

Navro‘z milliy taomlaridan

Sumalak tarixi

Navro‘zning tansiq taomi bo‘lgan sumalakni xalqimiz qadim zamonlardan buyon tayyorlab kelishgan. Buyuk tilshunos olim Mahmud Qoshg‘ariy o‘zininig “Devonu lug‘otit turk” (“Turkiy so‘zlar devoni”) kitobida yozishicha: “Suma - ivitilgan bug‘doy nomi. Uni quritib tuyiladi. So‘ng undan ugra oshi va non qilinadi. Sharbat uchun qilingan, undirilgan arpa uchun ham bu so‘z qo‘llaniladi”. Shunga ko‘ra “sumalak” - ivitilgan bug‘doy yoki arpa ma’nosini anglatuvchi qadimgi turkiy kalom “suma”dan kelib chiqqan deyish mumkin.

Milliy taom - Sumalak

Sumalak shifobaxsh taom bo‘lib, unda inson a’zolarida tez qonga va limfa suyuqliklariga so‘riladigan monoxorid bor. Uning oqsili ham juda nozik bo‘lib, azoyi badanimizdagi milliardcha hujayralar uchun eng yaxshi ozuqadir. Navro‘z bayramida tayyorlanadigan sumalak faqat tansiq taom bo‘lib qolmay, unda insonning barcha yaxshi orzu-umidlari, niyatlari mujassamlashgandir. Navro‘zning “shohona taomi” - sumalak tayyorlash, sumalakxo‘rlikka bag‘ishlangan “Sumalak sayli”ga marhabo!

Halim taomi bu…

Halim (Halisa) bug‘doy va mol go‘shtidan tayyorlanadigan qadimiy milliy taomlarimizdan biri. Halim tayyorlash uchun qayroqi bug‘doy bir oz namlanib, yog‘ochda tuyilib, sovuq suvda yuviladi, so‘ng 5-6 soat davomida iliq suvda ivitiladi. O‘simlik yog‘i qizdirilgan qozonda lo‘nda-lo‘nda to‘g‘ralgan go‘sht qovuriladi, so‘ng tayyorlangan bug‘doy solinib, darhol suv quyiladi va 2-3 soat davomida past olovda qaynatiladi. Taomni to‘xtovsiz kovlab turish lozim. Ming dardga davo bo‘lgan milliy taomlarimizdan biri.

Halim milliy taomi

E’tiboringiz uchun rahmat

E’tiboringiz uchun rahmat