Мавзу: мустақил давлатлар ҳамдўстлиги мамлакатлари иқтисодиёти

O‘zRning Ukraina bilan 1996 va 2003 yilning avgustigacha bo‘lgan savdo iqtisodiy hamkorligi

Ko‘rsatkichlar nomi	1996	1997	1998	1999	2000	2001	2002	2003 8 oy.
Tovarayirboshlash	202.0	321.7	182.1	252.7	331.9	372.7	282.1	238.0
Eksport	35.8	199.9	33.3	122.3	153.5	149.8	160.3	153.2
Import	166.2	121.8	148.8	130.4	178.4	222.9	121.8	84.8
Savdo	-130.3	78.1	-15	-8.1	-14.9	-73.1	38.5	68.3

Manba: O‘zbekiston Respublikasi Tashqi Iqtisodiy aloqalar, investitsiya va savdo vazirligi.
O‘zbekistonning Ukraina bilan olib borayotgan ijtimoiy sohadagi hamkorliklari 1998 yilning 19 fevralida imzolangan do‘stlik va har tomonlama hamkorlikni mustahkamlash to‘g‘risidagi davlatlararo shartnomada, 1994 yilning 10 noyabrida imzolangan madaniyat sohasida hamkorlik rivojlantirish to‘g‘risidagi hukumatlararo shartnomada, 1995 yilning 20 iyunida imzolangan ta’lim sohasida hamkorlikni rivojlantirish to‘g‘risidagi shartnomada, 1994 yilda imzolangan O‘zR si Madaniyat vazirligi bilan va Ukraina madaniyat vazirligi o‘rtasida hamkorliklarni rivojlantirish to‘g‘risidagi idoralararo bitimlarda o‘z ifodasini topgan ekanligini ko‘rishimiz mumkin.

2002 yilning 20 dekabrida Toshkentda Ukrainaning mashhur shoiri Taras SHevchenko xotirasini abadiylashtirish maqsadida haykalini ochilishi o‘zbek-ukraina xalqlarining o‘zaro madaniy aloqalarini yanada kengaytirdi.

2003 yilning 29 yanvarida Kievda Toshkent Davlat yuridik instituti va YAroslav Mudriy nomli Ukraina milliy yuridik akademiyasi o‘rtasidagi hamkorlik to‘g‘risida shartnoma imzolangan bo‘lsa, shu yilning mart, iyun oylarida Taras SHevchenko nomli Kiev Milliy universitetining o‘zbek tili va adabiyoti bo‘limining 12 talabasi Mirzo Ulug‘bek nomli Milliy universitetida malaka oshirishi, davlatlararo ta’lim sohasini yanada rivojlantirishga imkon bergan edi.

O‘zbekiston Respublikasi va Ozarbayjon o‘rtasidagi diplomatik aloqalar 1995 yilning 2 oktyabrida o‘rnatildi.

Ikki davlat o‘rtasida mavjud bo‘lgan tarixiy va madaniy bog‘lanishlar, shuningdek hukumat rahbarlarining o‘zaro tashriflari muhim rol o‘ynamoqda. 1996 yilning 27-28 mayida O‘zR si Prezidenti I. Karimov Ozarbayjonga rasmiy tashrif bilan borgan bo‘lsa, 1997 yilning 18-19 iyunida Ozarbayjon Prezidenti H. Aliev O‘zbekistonga rasmiy tashrif bilan kelgan edi. 2000 yilning aprelida O‘zR Oliy Majlisi raisi E. Xalilov Ozarbayjonda bo‘lib o‘tgan turkiy tillar davlat sammitida qatnashdi.

O‘zbekiston Respublikasi va Ozarbayjon o‘rtasida 90 dan ortiq hujjatlar imzolangan bo‘lib, ularning 17 tasi davlatlararo shartnomalarni, 24 tasi tashkilotlararo shartnomalarni, 8 tasi hukumatlararo komissiyaning yig‘ilishlari va bayonnomalaridan iboratdir.

1996 yilning 27 mayida Bakuda imzolangan O‘zR si va Ozarbayjon o‘rtasida hamkorlik va do‘stlik to‘g‘risidagi shartnoma, O‘zbekiston va Ozarbayjon Respublikasi hukumatlari o‘rtasida 2001 – 2010 yillarga mo‘ljallangan iqtisodiy hamkorlik to‘g‘risidagi 2001 yilning 18 aprelida Toshkentda imzolangan bitimlari ikkala davlatlarning asosiy shartnomaviy – huquqiy hujjatlari bo‘lib hisoblanadi.

Ikki davlat o‘rtasida iqtisodiy sohada 20 dan ortiq hujjat transport va aloqa sohalari bo‘yicha 5 ta, savdo – sotiq qonunchiligi va huquqiy munosabatlarni muhofaza qilish hamkorligi bo‘yicha 19ta, ijtimoiy va ilmiy – texnikaviy sohalar bo‘yicha 9 ta hujjat va boshqa kelishuvlar imzolangan. Bundan tashqari hozirgi kunda O‘zR si va Ozarbayjon o‘rtasida 10 ga yaqin xalqaro xarakterga ega bo‘lgan hujjatlarni imzolash ustida qizg‘in ishlar ham olib borilmoqda.

O‘zbekistonning Ozarbayjon bilan 1996 - 2003 yilning avgustigacha olib borgan tashqi savdo dinamikasi quyidagicha bo‘lgan edi (19-jadval):

19-jadval