Mavzu: Moliyaviy bozorning moxiyati, zarurligi, asosiy vazifalari va turlari Savol-Javoblar

Mavzu: Moliyaviy bozorning moxiyati, zarurligi, asosiy vazifalari va turlari
Savol-Javoblar
1. Moliyaviy bozorda risklar qanday guruhlarga bo`linadi?
Javob: Moliyaviy bozor eng yuqori riskga ega bo`lgan soha deb hisoblanadi. Undagi risklar ikkita katta guruhga bo`linadi:
- tizimli risklar;
- tizimsiz risklar.
2. Tizimli risklar haqida ma’lumot bering.
Javob: Tizimli risklar (investitsiya portfeli risklari) - bu xatar ta`siriga ba`zi bir qimmatli qog`ozlar emas, balki butun bozor, uni katta bir qismi risklarga uchraydi. Bu holda iqtisodiy nobarqarorlik tufayli yoki boshqa sabablarga ko`ra ko`pchilik emitent va qimmatli qog`ozlar egalari zarar 15 ko`rishlari mumkin. Tizimli risklarga quyidagilar kiradi: foiz riski; valyuta riski; inflyatsiya riski; siyosiy risklar
3. Tizimsiz risklar haqida nimalarni bilasiz?
Javob: Tizimsiz risklar - xatarga ba`zi bir qimmatli qog`ozlar yoki ularni majmuasi uchraydi, ya`ni ma`lum bir korxonaning qimmatli qog`ozlari yoki tarmoqning qimmatli qog`ozlari kiradi. Tizimsiz risklarga quyidagilar kiradi: tadbirkorlik riski; moliyaviy risklar; nolikvidlik riski.
4. Moliya bozori nima?
Javob: Moliya bozori - bu moliyaviy aktivlarni sotish sohasi va ushbu aktivlarni sotuvchilar va sotib oluvchilar o'rtasidagi iqtisodiy munosabatlar. Korxonalarning moliyaviy faoliyati moliya bozorining faoliyati, uning turlari va segmentlarining rivojlanishi va uning konyunkturasining holati bilan uzviy bog'liqdir. Moliya bozori o'zining eng umumiy ko'rinishida bozor bo'lib, unda turli xil moliyaviy vositalar va moliyaviy xizmatlar sotib olish va sotish ob'ekti hisoblanadi.

5. Moliya bozorining qanday tarkibiy qismlari ajratilgan?
Javob: Moliya bozorining quyidagi tarkibiy qismlari ajratilgan:
- kredit bozori;
- qimmatli qog'ozlar bozori (yoki fond bozori);
- valyuta bozori;
- sug'urta bozori;
- qimmatbaho metallar bozori.