Mavzu: Milliy musiqiy an’analar ma’naviy tarbiya vositasi

 
Muammoning o’rganilganlik darajasi: 
Milliy-madaniy meros va uning tarkibidagi xalq musiqiy ijodiyoti, ularda 
mujassamlashgan tarbiyaviy ta’sirchan g’oyalarning shaxs kamolotidagi o’rni va 
ahamiyati, estetik ta’lim-tarbiya jarayonida ulardan foydalanish, o’quvchi-
yoshlarda xalq musiqa ijodi, an’analariga qiziqishni oshirish, ularni tinglash, 
kuylash, musiqiy asarlarning badiiy ruhiyatidan foydalangan holda yuksak badiiy 
didlarini shakllantirish borasida respublikamizda bir qator ilmiy-tadqiqotlar amalga 

---

oshirilgan. Bularga H.Nurmatov, Q.Mamirov, S.Annamuratova, F.Jo’rayev, 
N.M.Tolliboyev, R.Tursunov, B.Azimov, I.Qudratovlarning ilmiy tadqiqotlari 
misol bo’la oladi. 
Milliy musiqiy merosdan ta’lim-tarbiyada foydalanish masalalari pedagog, 
san’atshunos olimlar – R.Abdullayev, O.Ibrohimov, S.Begmatov, D.Rashidova, 
D.Jamolova, T.G’ofurbekovlar tomonidan tadqiq etilgan ilmiy ishlarda ancha keng 
qamrovda yoritilgan. 
Biroq, milliy musiqiy an’analar vositasida o’quvchi-yoshlarning estetik 
madaniyatini shakllantirish maxsus ilmiy pedagogik tadqiqot sifatida amalga 
oshirilmagan. Bu esa biz tomonimizdan “Milliy musiqiy an’analar vositasida 
o’quvchilarni estetik madaniyatini shakllantirish” deb nomlangan tadqiqot 
mavzusini tanlashimizga asos bo’ldi. 
Tadqiqotning maqsadi: Umumta’lim maktablarida o’quvchilarni milliy 
musiqiy an’analar vositasida ma’naviy tarbiyalashning ilmiy uslubiy asoslarini 
yoritishdan iborat. 
Tadqiqot 
obyekti: 
Umumta’lim 
maktablari 
musiqa 
darslarida
o’quvchilarini milliy musiqiy an’analar vositasida ma’naviy tarbiyalash jarayoni. 
Tadqiqot predmeti: Umumta’lim maktablari musiqa madaniyati darslarida 
o’quvchilarni milliy musiqiy an’analari vositasida ma’naviy tarbiyalashni 
shakllantirishga yo’naltirilgan pedagogik faoliyat mazmuni, ish shakl, usullari.