Мавзу. “Микроиқтисодиёт”нинг мазмуни, мақсади ва вазифалари. Глоссарий Алтернатив ҳаражатлар

Мавзу. “Микроиқтисодиёт”нинг мазмуни, мақсади ва вазифалари.


Глоссарий


Алтернатив ҳаражатлар (opportunity cost) – танлашда воз кечилган энг яхши алтернатив вариантдан олинадиган натижа (қиймат, фойда, нафлик). Алтернатив қийматни фойдаланилмаган имконият деб ҳам қарашади: бирор неъмат қийматини воз кечилган бошқа бир нечта неъмат қиймати билан ифодаланиши.
Бозор - бу сотувчилар ва харидорлар ўртасидаги махсулот сотиш ва сотиб олиш буйича эркин муносабатлар тизимидир.
Иқтисодий неъмат – эҳтиёжни қондириш воситаси.
Иқтисодий ресурслар– ишлаб чиқаришда фойдаланиладиган омиллар ёки ишлаб чиқариш омиллари.
Ишлаб чиқариш имкониятлари чизиғи – мавжуд бўлган ишлаб чиқариш ресурсларидан тўлиқ ва самарали фойдаланиш орқали ишлаб чиқариладиган товарлар комбинасиясини ифодаловчи чизиқ.
Нарх – бир бирлик товарни сотиб олиш учун тўланадиган пул миқдори.
Неъматлар ноёблиги - иктисодий субъектлардаги мавжуд неъматлар захирасининг шу неъматларга эхтиёж сезган харидорларнинг талабларини етарли даражада қондира олмаслиги.
Эҳтиёж (needs) – инсонни, корхонани фаолият кўрсатиши ва ривожланиши учун зарур бўлган барча нарсалар. Эҳтиёж – бу инсонларни иқтисодий фаолият билан шуғулланишига ундайдиган ички куч.