Мавзу: Маънавият ва иқтисодиёт, уларнинг ўзаро муносабатлари Режа: Иктисодиёт тушунчаси

Мавзу: Маънавият ва иқтисодиёт, уларнинг ўзаро муносабатлари
Режа:
1.Иктисодиёт тушунчаси.
2.Тараккиётнинг узбек модели.
3.Иктисодиёт ва маънавият,Ўзбекистоннинг иқтисодий салоҳияти.
Иктисодиёт тушунчаси.
Иқтисодиёт – бу муайян ижтимоий тузумдаги ишлаб чиқариш муносабатларининг мажмуидир. Хўжалик юритиш сирларини билувчи ва шу билимидан фойдаланиб хўжаликни самарали, яъни фойда келтирувчи йулдан олиб борувчи фаолиятни иктисодиёт дейилади.
Бозор иктисодиёти – мулокот, гаплашиш, келишиш, савдолашиш, икки томонга туғри келадиган умумий нархни, хулосани топиш демакдир.
Бозор иқтисодиётнинг хусусиятлари -улардан энг асосийлари бу эркин нархлар, хусусий мулкчиликнинг мавжуд бўлиши, эркин иқтисодий фаолият, рақобат муҳитини мавжуд бўлиши, иқтисодий манфаатдорлик ва фойда олишга бўлган интилиш ва монополияни рад этиш хусусиятларидир.
Бозор иқтисодиётини шакллантириш жараёнида барча ижтимоий, демократик, сиёсий ва бошқа соҳалардаги ислоҳотларнинг асл мақсади инсонга муносиб турмуш ва фаолият шароитларини вужудга келтиришдан иборатлигини доимо эсда тутиш зарур.
Аҳоли турмуш даражаси унинг даромадларининг ошиши, сифатли истеъмол товарлари билан етарли таъминланиши ва бошқа ижтимоий-иқтисодий ҳуқуқлардан фойдаланиши, сўз эркинлиги, виждон эркинлиги ва бошқа ҳуқуқларининг кўплиги билан ўлчаниб қолмайди, балки маънавият ва маърифат, маданий эҳтиёж турли шаклларда сифатли хизмат кўрсатиш, бўш вақтдан мазмунли фойдаланиш, жисмоний ва ақлий баркамоллик каби кўпгина сифат кўрсаткичларини ўз ичига оладики, уларсиз юксак турмуш фаровонлигига эришиб бўлмайди.
Бозор иктисодиётининг асосий шарти ва талаби – мумкин қадар кўпрок ва сифатлирок, рақобатбардош махсулот ишлаб чикаришдир.
Ҳаётий эҳтиёжлар ва манфаатлар – инсон фаолиятининг энг қудрали ҳаракатлантирувчи кучларидан биридир. Инсон озиқ-овқат, кийим-кечак, яшаш жойга муҳтож. Инсонларнинг моддий ишлаб чиқариш жараёнлари ва бу борада юзага келадиган муносабатларини иқтисодиёт фани ўрганади.