Мавзу: Мамлакатимизда жаҳон молиявий-иқтисодий инқирози шароитида меҳнат бозорининг ривожланиши ва бандликни ошириш масалалари

Ишнинг мақсади ва вазифалари. Мамлакатимизда меҳнат бозорининг ривожланиши ва аҳолининг самарали бандлигини таъминлаш яқин ўтмишда жаҳон мамлакатларини ларзага солган молиявий-иқтисодий инқироздан сўнг ўтган вақтда долзарб масалалардан ҳисобланади. Курс ишининг мақсади - Ўзбекистонда меҳнат бозорида юз бераётган ўзгаришлар тенденцияларини назарий ва амалий жиҳатдан ўрганган ҳолда меҳнат бозорини миллий иқтисодиёт тармоқларида юз бераётган таркибий ўзгаришларни ҳисобга олган ҳолда такомиллаштириш, аҳоли бандлигини ўзгаришларга мутаносиб ҳолда таъминлаш истиқболларини аниқлашдан иборат.
Курс ишинининг вазифалари мавзунинг долзарблиги ва мақсадларидан келиб чиққан ҳолда қуйидагиларни ўз ичига олади:

• 
  Меҳнат бозорининг ижтимоий-иқтисодий моҳияти ва унинг шаклланишини назарий жиҳатдан ўрганиш;
  
• 
  Бандлик ва аҳолини иш билан таъминлаш тизимининг шаклланишини назарий жиҳатдан ўрганиш;
  
• 
  Меҳнат бозори назариясига янгича ёндашувлар ва меҳнат бозоридаги ўзгаришлар тенденцияларини адабиётлар таҳлили асосида ўрганиш;
  
• 
  Ўзбекистонда аҳоли бандлигини таъминлаш ҳолати ва ишсизлик даражасининг ўзгаришини амалий маълумотлар асосида таҳлил қилиш;
  

- Фарғона вилояти ҳудудий иқтисодиётида иш ўринлари яратилиши ва аҳоли бандлиги таҳлилини амалга ошириш;
- Миллий иқтисодиётда меҳнат бозорини давлат томонидан тартибга солиш тизимини такомиллаштириш йўлларини аниқлаш;
- Меҳнат бозори инфратузилмасини ривожлантиришда ривожланган мамлакатлар тажрибасидан фойдаланиш истиқболлари йўналишларини аниқлаш йўналишлари бўйича таклиф ва тавсиялар ишлаб чиқиш
Курс ишининг объекти ва предмети. Курс ишининг объекти сифатида Ўзбекистон Республикаси ҳудудида, жумладан Фарғона вилояти ҳудудида фаолият кўрсатаётган меҳнат бозори ва ушбу бозорда фаолият олиб бораётган меҳнат ресурслари ўрганилди. Курс ишининг предмети эса жаҳон молиявий-иқтисодий инқирози шароитида мамлакатимизда меҳнат бозорининг ривожланиши ва аҳоли бандлигини самарали ташкил этиш билан боғлиқ муносабатлар ҳисобланади.